पंतप्रधान नरेंद्र मोदी यांच्या वाढदिवसानिमित्त उपक्रम; अंगणवाडी सेविकांचा गौरव
पंतप्रधान नरेंद्र मोदी यांच्या वाढदिवसानिमित्त कोळकीत अंगणवाडी सेविकांचा गौरव करून चिमुकल्यांना खाऊवाटप करण्यात आले; विविध मान्यवरांची उपस्थिती.
स्थैर्य, कोळकी, दि. ०१ ऑक्टोबर : पंतप्रधान नरेंद्र मोदी यांच्या वाढदिवसाचे औचित्य साधून कोळकी येथील महादेवनगर अंगणवाडीत अंगणवाडी सेविकांचा सत्कार सोहळा आणि बालकांना खाऊवाटप उपक्रम उत्साहात घेण्यात आला. या सामाजिक उपक्रमाद्वारे बालकांच्या चेहऱ्यावर आनंद फुलवत सेविकांच्या कामाची दखल घेण्यात आली.
अंगणवाडी सेविकांचा सन्मान
महादेवनगर येथील अंगणवाडीत आयोजित या कार्यक्रमात अंगणवाडी सेविका आशाता सुभाष पिसे यांच्या उल्लेखनीय सेवेबद्दल त्यांचा मान्यवरांच्या हस्ते विशेष सत्कार करण्यात आला. यावेळी उपस्थित बालकांना पौष्टिक खाऊचे वाटप करून आनंदोत्सव साजरा करण्यात आला.
विविध मान्यवरांची उपस्थिती
या उपक्रमास फलटण पंचायत समितीच्या सभापती शिवांजली भोसले, कोळकीच्या माजी सरपंच रेश्मा संजय देशमुख, कोळकी ग्रामपंचायतीच्या माजी सदस्या रूपाली सागर चव्हाण, प्राजक्ता काकडे आणि भाजप फलटण शहर उपाध्यक्ष प्रियंका कदम उपस्थित होत्या. यावेळी मान्यवरांनी बालकांच्या पोषणासाठी व शिक्षणासाठी अंगणवाडी सेविकांचे कार्य मोलाचे असल्याचे नमूद केले.
