नगरसेवकांनो निवडणुकांची तयारी सुरू करा; राज्य सरकारला प्रभाग रचनेसाठी सूचना
दैनिक स्थैर्य । दि. ०२ जुन २०२५ । मुंबई । राज्यातील रखडलेल्या महापालिका, नगरपालिका, जिल्हा परिषदा, पंचायत समित्या आणि नगरपंचायतींच्या निवडणुकांसाठी सर्वोच्च न्यायालयाने चार महिन्यांमध्ये प्रक्रिया सुरू करण्याचा आदेश दिला आहे. या आदेशानुसार राज्य निवडणूक आयोगाने तयारी सुरू केली असून, प्रभाग रचनेसाठी राज्य सरकारला सूचना करण्यात आल्या आहेत. हे सूचनांसह राज्य सरकारकडून माहिती प्राप्त झाल्यानंतर आरक्षण आणि मतदार याद्या अंतिम करण्याची प्रक्रिया सुरू करण्यात येईल.
राज्यातील सर्व स्थानिक स्वराज्य संस्थांच्या निवडणुका दोन ते पाच वर्षांपासून प्रलंबित आहेत. या काळात स्थानिक स्वराज्य संस्थांचा सर्व कारभार प्रशासकांकडे आहे. सर्वोच्च न्यायालयाच्या आदेशानुसार राज्य निवडणूक आयोगाने आता या निवडणुकांची प्रक्रिया सुरू केली आहे. प्रभाग रचना, आरक्षण आणि मतदार याद्या या प्रमुख बाबींवर काम करण्यात येईल. या सर्व प्रक्रिया पूर्ण झाल्यानंतर निवडणुकांची तारीख निश्चित करण्यात येईल.
सर्वोच्च न्यायालयाच्या आदेशानुसार चार आठवड्यांमध्ये निवडणुकांची अधिसूचना जाहीर करण्यात येईल. मात्र, हे शक्य होईल पर्यंत राज्य सरकारला वेगाने प्रभाग रचना करण्याचे आदेश देण्यात आले आहेत. राज्य निवडणुक आयोगाने राज्य सरकारला स्पष्ट केले आहे की प्रभाग रचना जाहीर होण्यापर्यंत निवडणुकांची कोणतीही प्रक्रिया सुरू करणे शक्य नाही.
निवडणुकांची पूर्ण तयारी करण्यासाठी राज्य सरकारकडे ग्रामविकास विभाग व नगर विकास विभाग यांच्याशी संपर्क साधण्यात आला आहे. राज्य सरकारकडून मिळणारी माहिती आणि प्रभाग रचनेनंतरच निवडणुकांच्या पुढील प्रक्रियेस सुरुवात होईल. सर्वोच्च न्यायालयाच्या आदेशाचे पालन करण्यात येईल याची हमी राज्य निवडणुक आयोगाने दिली आहे.
