रणजितदादांमुळेच कोळकीत ४० घरकुलांना मंजुरी : संदीप नेवसे
कोळकी येथील ४० कुटुंबांना प्रधानमंत्री आवास योजनेतून घरकुले मंजूर झाली आहेत. माजी खासदार रणजितसिंह नाईक निंबाळकर आणि आमदार सचिन पाटील यांच्या प्रयत्नांमुळे बेघरांचे स्वतःच्या हक्काच्या घराचे स्वप्न आता पूर्ण होणार आहे.
स्थैर्य, कोळकी, दि. ०९ ऑगस्ट : केंद्र शासनाच्या प्रधानमंत्री आवास योजनेअंतर्गत कोळकी येथील ४० गरजू लाभार्थ्यांना घरकुले मंजूर करण्यात आली आहेत. ग्रामविकास मंत्री जयकुमार गोरे, माजी खासदार रणजितसिंह नाईक निंबाळकर आणि आमदार सचिन पाटील यांच्या विशेष प्रयत्नातून ही मोठी मंजुरी मिळाल्याची माहिती भाजपचे तालुका उपाध्यक्ष संदीप नेवसे यांनी दिली.
हक्काच्या घराचे स्वप्न साकार
रणजितसिंह नाईक निंबाळकर आणि आमदार सचिन पाटील यांच्या माध्यमातून फलटण तालुक्यात मोठ्या प्रमाणात घरकुले मंजूर केली जात आहेत. या योजनेनुसार स्वतःची जागा असणाऱ्यांना घर बांधण्यासाठी, तर जागा नसणाऱ्यांना जागा खरेदी करण्यासाठी शासनाकडून थेट निधी उपलब्ध करून दिला जातो. या महत्त्वपूर्ण निर्णयामुळे कोळकीतील ४० गरजू कुटुंबांचे हक्काच्या घराचे स्वप्न आता पूर्ण होणार आहे.
ग्रामस्थांकडून आभार व्यक्त
घराचा प्रश्न मार्गी लागल्याने कोळकी परिसरातील लाभार्थ्यांना मोठा दिलासा मिळाला आहे. या विशेष मंजुरीबद्दल भाजपचे जिल्हा सरचिटणीस जयकुमार शिंदे, पंचायत समिती सदस्य विकास नाळे, माजी पंचायत समिती सदस्य सचिन रणवरे, स्वराज संघटनेचे जिल्हाध्यक्ष पै. स्वागत काशिद, युवा नेते पै. संजय देशमुख, ग्रामपंचायतीचे माजी सदस्य सतीश शेडगे, उदयसिंह निंबाळकर, पै. किरण जाधव, फलटण तालुका वकील संघाचे माजी अध्यक्ष ॲड. सागर सस्ते, बाळासाहेब रिटे, रणजीत जाधव, वैभव गंगतीरे, राजन खिलारे, किरण पखाले, सुधीर जगदाळे यांच्यासह ग्रामपंचायत सदस्य, विविध पदाधिकारी आणि ग्रामस्थांनी सर्व संबंधित नेत्यांचे आभार मानले आहेत.
