कै. जानोजीराव मालोजीराव भोईटे पतसंस्थेच्या चेअरमनपदी पराग भोईटे
व्हा. चेअरमनपदी विजयकुमार भोईटे यांची निवड
दैनिक स्थैर्य | दि. २४ जानेवारी २०२४ | फलटण |
कै. जानोजीराव मालोजीराव भोईटे ग्रामीण बिगर शेती सहकारी पतसंस्था हिंगणगाव या संस्थेच्या संचालक मंडळाच्या चेअरमन, व्हा.चेअरमन पदाच्या निवडणुकीत श्री. पराग शरदराव भोईटे- इनामदार यांची चेअरमनपदी व श्री. विजयकुमार कृष्णराव भोईटे यांची व्हा.चेअरमनपदी बिनविरोध निवड करण्यात आली.
स्व. शरदराव भोईटे – इनामदार (मा. सभापती) यांनी व त्यांच्या सहकार्‍यांनी सन २००० मध्ये या संस्थेची स्थापना केली होती. या संस्थेची वार्षिक उलाढाल ९ कोटी एवढी असून संस्था ऑडिट वर्ग ‘अ’ मध्ये आहे. या पतसंस्थेने सामाजिक हित जोपासताना पर्सनल लोन, मॉर्गेज लोन तसेच गोल्ड लोन व लॉकर सुविधा उपलब्ध केली आहे. फलटण तालुक्यातील ग्रामीण भागातील ही एक अव्वल पतसंस्था समजली जाते.
या निवडीवेळी श्रीमती कुलकर्णी मॅडम यांनी निवडणूक अधिकारी म्हणून कामकाज पाहिले.
