पत्रकार दिनी बाळशास्त्रींना पोंभुर्ले येथे अभिवादन
स्थैर्य, फलटण, दि.७ : महाराष्ट्र पत्रकार कल्याण निधीच्यावतीने पोंभुर्ले (जि.सिंधुदुर्ग) येथील ‘दर्पण’ सभागृहात 6 जानेवारी राज्यस्तरीय पत्रकार दिनानिमित्त मराठी वृत्तपत्रसृष्टीचे जनक ‘दर्पण’कार आचार्य बाळशास्त्री जांभेकर याच्या अर्धपुतळ्यास ज्येष्ठ पत्रकार तथा रत्नागिरी जिल्हा परिषदेचे माजी अध्यक्ष राजाभाऊ लिमये यांच्या हस्ते पुष्पहार अर्पण करुन अभिवादन करण्यात आले. यावेळी सिंधुदुर्ग जिल्हा परिेदेचे सदस्य प्रदीप नारकर, महाराष्ट्र पत्रकार कल्याण निधीचे संस्थापक अध्यक्ष रविंद्र बेडकिहाळ, कार्यकारी विश्‍वस्त विजय मांडके, पोंभुर्ले गावचे सरपंच सादीक डोंगरकर, मधुकर जांभेकर, सुधाकर जांभेकर यांची उपस्थिती होती.
यावेळी बोलताना रविंद्र बेडकिहाळ यांनी, पोंभुर्ले येथील ‘दर्पण’ सभागृहाची दुरुस्ती व सुशोभीकरण आणि रस्तेविकासाच्या कामासाठी आमच्या विनंतीनुसार राज्याचे उपमुख्यमंत्री ना.अजितदादा पवार यांनी ग्रामविकास मंत्री ना.हसन मुश्रीफ, पर्यटन राज्यमंत्री ना.अदिती तटकरे, सिंधुदुर्ग जिल्हाधिकारी के.मंजूलक्ष्मी, सिंधुदुर्ग जिल्हा परिषदेचे मुख्य कार्यकारी अधिकारी डॉ.हेमंत वसेकर, सार्वजनिक बांधकाम विभागाचे कार्यकारी अभियंता संजय शेवाळे यांच्यासमवेत मंत्रालयात विशेष बैठक आयोजित करुन संस्थेच्या ‘दर्पण’ सभागृहा संबंधीची सर्व कामे तातडीने करण्याचे निर्देश संबंधित विभागाला दिले असल्याचे सांगून याकामासाठी पोंभुर्ले ग्रामपंचायत, जांभेकर कुटूंबिय व ग्रामस्थांनी सहकार्य करावे, असे आवाहनही बेडकिहाळ यांनी केले.
महाराष्ट्र पत्रकार कल्याण निधीच्यावतीने प्रतीवर्षी राज्यस्तरीय पत्रकार दिनी पोंभुर्ले येथे ‘दर्पण’ पुरस्कार वितरण समारंभ मोठ्या दिमाखात साजरा होत असतो. परंतू यंदा ‘कोरोना’च्या पार्श्‍वभूमीवर कार्यक्रमाचे आयोजन करता आले नाही. तथापी संस्थेच्यावतीने लवकरच सन 2019 व सन 2020 च्या ‘दर्पण’ पुरस्कारांचे वितरण समारंभपूर्वक करण्यात येईल, असेही बेडकिहाळ यांनी यावेळी स्पष्ट केले.
प्रशासनाचे नियम पाळून पार पडलेल्या या छोटेखानी अभिवादनपर कार्यक्रमास महाराष्ट्र पत्रकार कल्याण निधीच्या विश्‍वस्त सौ.अलका बेडकिहाळ, अमर शेंडे, गजानन पारखे यांच्यासह पोंभुर्ले ग्रामपंचायतीचे सदस्य उपस्थित होते. आभार अमर शेंडे यांनी मानले.
प्रशासनाचे नियम पाळून पार पडलेल्या या छोटेखानी अभिवादनपर कार्यक्रमास महाराष्ट्र पत्रकार कल्याण निधीच्या विश्‍वस्त सौ.अलका बेडकिहाळ, अमर शेंडे, गजानन पारखे यांच्यासह पोंभुर्ले ग्रामपंचायतीचे सदस्य उपस्थित होते. आभार अमर शेंडे यांनी मानले.
विविध पत्रकार संघटनांकडून अभिवादन
दरम्यान, राज्यस्तरीय पत्रकार दिनाचे औचित्य साधून तरेळे पंचक्रोशी पत्रकार संघ, राधानगरी तालुका पत्रकार संघ, उंब्रज (जि.सातारा) येथील पत्रकार आदींनी ‘दर्पण’कार आचार्य बाळशास्त्री जांभेकर यांना पोंभुर्ले येथे येवून अभिवादन केले.
दरम्यान, राज्यस्तरीय पत्रकार दिनाचे औचित्य साधून तरेळे पंचक्रोशी पत्रकार संघ, राधानगरी तालुका पत्रकार संघ, उंब्रज (जि.सातारा) येथील पत्रकार आदींनी ‘दर्पण’कार आचार्य बाळशास्त्री जांभेकर यांना पोंभुर्ले येथे येवून अभिवादन केले.
