डॉ. बाबासाहेब आंबेडकर मागासवर्गीय मुलांचे वसतिगृह सातारा येथे प्रवेश सुरु

दैनिक स्थैर्य । दि. ०४ मे २०२३ । सातारा । सातारा येथील डॉ. बाबासाहेब आंबेडकर मागासवर्गीय मुलांचे  शासकीय वसतीगृहात सन 2023-24 या शैक्षणिक वर्षाकरिता इयत्ता आठवी ते पदवी / पदवीत्तर पर्यंत घेणाऱ्या अनुसूचित जाती, अनुसूचित जमाती, अनाथ व अपंग या सवंर्गातील विद्यार्थ्यांना  मोफत प्रवेश दिला जाणार आहे.

प्रवेशित विद्यार्थ्यांना  राहण्याची, जेवण्याची मोफत व्यवस्था केली जाते. शैक्षणिक साहित्य व गणवेश खरेदीकरिता रोख रक्कम दिली जाते.

तरी अनुसूचित जाती, अनुसूचित जमाती, अनाथ व अपंग या संवर्गातील विद्यार्थ्यांनी गृहपाल डॉ. बाबासाहेब आंबेडकर मागासवर्गीय मुलांचे शासकीय वसतिगृह, सातारा यांच्याशी  त्वरित संपर्क साधावा, असे आवाहन वार्डन मुलांचे शासकीय वसतीगृह,  गोडोली, सातारा यांनी  केले आहे.