स्थैर्य, नागठाणे, दि.१२: बोरगाव पोलीस ठाण्याच्या हद्दीत सुरू असलेल्या चोरट्या दारूविक्री धंद्यांवर बोरगाव पोलिसांनी धडक कारवाई करत गुन्हे दाखल केले आहेत.परिसरातील वर्णे,वेणेगाव व आसनगाव येथे या कारवाया केल्या.पोलिसांनी सुमारे १७७२ रुपये किमतीच्या ४१ देशी दारूच्या बाटल्या जप्त केल्या असून एका महिलेसह तिघांविरोधात गुन्हा दाखल केला आहे.
अंकुश संपत शिंदे(वय.५३,रा,वर्णे,ता.सातारा),किसन ज्ञानू गायकवाड (वय.५५,रा.आसनगाव,ता.सातारा) व उषा गजानन माने (वय.५०,रा.मातंगवस्ती, वेणेगाव,ता.सातारा) अशी गुन्हा दाखल झालेल्यांची नावे आहेत.सपोनि डॉ.सागर वाघ यांच्या मार्गदर्शनाखाली सहाय्यक फौजदार वसंत जाधव,बाजीराव पायमल,राहुल भोये,किरण निकम,प्रकाश वाघ,राजू शिंदे,उत्तम गायकवाड,चालक कपिल टिकोळे व महिला पोलीस सुनीता कुदळे यांनी कारवाईत सहभाग घेतला.
