अखिल ब्राह्मण मध्यवर्ती संस्था फलटण केंद्राची नवी कार्यकारिणी जाहीर
अखिल ब्राह्मण मध्यवर्ती संस्था नाशिकच्या फलटण केंद्राची २०२५ ते २०२८ या तीन वर्षांसाठी नवी कार्यकारिणी जाहीर करण्यात आली असून चंद्रशेखर दाणी यांची अध्यक्षपदी निवड झाली आहे.
स्थैर्य, फलटण, दि. ०३ जुलै : अखिल ब्राह्मण मध्यवर्ती संस्था नाशिकच्या फलटण केंद्राची २०२५ ते २०२८ या तीन वर्षांच्या कालावधीसाठीची नूतन कार्यकारिणी नुकतीच जाहीर करण्यात आली आहे. या नव्या कार्यकारिणीत चंद्रशेखर दाणी यांची अध्यक्ष व केंद्रप्रमुख म्हणून निवड करण्यात आली आहे.
प्रमुख पदाधिकाऱ्यांच्या निवडी
संस्थेच्या कामकाजाचे नियोजन करण्यासाठी नव्या पदाधिकाऱ्यांवर जबाबदारी सोपवण्यात आली आहे. यामध्ये श्रीपाद विभुते यांची उपकेंद्र प्रमुख म्हणून नियुक्ती करण्यात आली आहे. तसेच निखिल केसकर यांची सचिवपदी व श्रुती इनामदार यांची सहसचिव, मुकुंद जोशी यांची कोषाध्यक्ष, मंगेश पेटकर यांची उपकोषाध्यक्ष आणि धनंजय विष्णुप्रद यांची कार्याध्यक्ष म्हणून निवड झाली आहे.
कार्यकारिणी सदस्य
संस्थेच्या प्रतिनिधी कार्यकारिणीत रेवती गोसावी, नियोगिता केंजळे, अश्विनी गोसावी, सुप्रिया देशपांडे, शंतनू रुद्रभटे, सूर्यकांत इनामदार, जयंत सहस्रबुद्धे, हेमंत घोडके, किरण गोगटे, नितीन लाटकर, सुभाष कुलकर्णी, निरंजन क्षीरसागर, सचिन कुलकर्णी, अमेय चिटणीस, अतुल पेंढारकर, स्वानंद जोशी, प्रमोद शास्त्री, स्नेहल तगारे आणि रमाकांत चौधरी यांचा समावेश करण्यात आला आहे. याशिवाय, केंद्र कार्यकारिणीतील सुनील बरसावडे आणि अमोल कुलकर्णी यांनाही या नूतन कार्यकारिणीत स्थान देण्यात आले आहे.
