उद्घाटन झाले अन् चोर आले, भिंतीला भगदाड पाडून लाखोंचे मोबाईल लंपास केले
स्थैर्य, दि. २६: रत्नागिरी तालुक्यातील कुवारबाव येथे मॅगोस् मोबाईल शॉपी गुरुवारी रात्री चोरट्यांनी फोडली. मोबाईल शॉपीतील 50 किंमती मोबाईल चोरट्यांनी चोरून नेले. यात मोबाईल शॉपी मालकाचे लाखोंचे नुकसान झाले असून या प्रकरणी गुन्हा दाखल करण्याचे काम सुरू होते.
मँगोस मोबाईल शॉपीचे आठ दिवसांपूर्वीच या मोबाईल शॉपीचे उद्घाटन झाले होते. गुरुवारी रात्री चोरट्यांनी ही शॉपी फोडत किंमती मोबाईल चोरून नेले. मोबाईल शॉपीच्या दुकानाचा एकच चिरा काढत आत प्रवेश करून ही चोरी करण्यात आली. शहर पोलीस निरीक्षक अनिल लाड घटनास्थळी दाखल झाले असून तपासकाम सुरू झाले आहे.
