तालुकास्तरीय कुस्ती स्पर्धेत मुधोजीच्या कुस्तीगिरांची बाजी
दैनिक स्थैर्य | दि. ३० ऑगस्ट २०२४ | फलटण |
फलटण तालुकास्तरीय कुस्ती स्पर्धा सोमंथळी (ता. फलटण) येथे २३ व २४ ऑगस्टच्या दरम्यान राधिका गार्डन येथे पार पडल्या. सदरच्या स्पर्धेमध्ये मुधोजी हायस्कूल व ज्युनिअर कॉलेज या प्रशालेतील बाल कुस्तीगिरांनी स्पृहणीय यश संपादन केले आहे. विशेष अभिमानाची बाब म्हणजे या बालकुस्तीगिरांची जिल्हास्तरीय कुस्ती स्पर्धेसाठी निवड झाली आहे.
कुस्ती स्पर्धेमध्ये १४ वर्षाखालील मुलांमध्ये ५७ किलो वजनी गटात सोहमसिंह निंबाळकर, ६८ किलो वजनी गटात समर्थ शिंदे, ६२ किलो वजनी गटात ज्ञानराज पिसाळ यांनी प्रथम क्रमांक पटकाविला तर त्याचप्रमाणे ६२ किलो वजनी गटात वरद खानविलकर याने द्वितीय क्रमांक पटकावला.
१४ वर्षाखालील मुलींच्या फ्री स्टाईल कुस्ती स्पर्धेत ३६ किलो वजनी गटात श्रेया धायगुडे, ६५ किलो वजनी गटात गौरी चव्हाण व ५७ किलो वजनी गटात विद्या जाधव या मुलीने प्रथम क्रमांक पटकावला.
ग्रीको रोमन कुस्ती स्पर्धेमध्ये १७ वर्षाखालील कुस्तीमध्ये ४८ किलो वजनीगटात साई तांबे तसेच १९ वर्षाखालील कुस्तीमध्ये ८७ किलो वजनीगटात माऊली वाघमोडे याने प्रथम क्रमांक पटकावला.
कुस्तीपटू, प्रशिक्षक डी. एन. जाधव यांनी या सर्व मुले व मुली कुस्तीगिरांना मार्गदर्शन केले.
विजयी कुस्तीपटू (मुले व मुली) तसेच मार्गदर्शक कुस्तीपटू प्रशिक्षक डी. एन. जाधव यांचे फलटण एज्युकेशन सोसायटीचे अध्यक्ष तथा महाराष्ट्र विधान परिषदेचे माजी सभापती श्रीमंत रामराजे नाईक निंबाळकर, संस्थेचे सेक्रेटरी तथा सातारा जिल्हा परिषदेचे माजी अध्यक्ष श्रीमंत संजीवराजे नाईक निंबाळकर, मॅनेजिंग कौन्सिलचे सदस्य तथा कृषी उत्पन्न बाजार समितीचे अध्यक्ष श्रीमंत रघुनाथराजे नाईक निंबाळकर, क्रीडा समितीचे अध्यक्ष शिवाजीराव घोरपडे, उपाध्यक्ष प्राचार्य विश्वासराव देशमुख व अशोक जीवराज दोशी, ट्रेझरर हेमंत रानडे, प्रशालेच्या स्थानिक कमिटीचे व्हाईस चेअरमन रमणलाल दोशी, प्रशासन अधिकारी अरविंद निकम, प्राचार्य सुधीर अहिवळे, उपप्राचार्य नितीन जगताप, सोमनाथ माने, पर्यवेक्षिका पुजा पाटील, राहुल सरक यांनी हार्दिक अभिनंदन केले आहे.
