आवडत्या चित्ररथाला आणि मार्चिंग तुकडीला मत देऊन जिंकवा!
दैनिक स्थैर्य । दि.२६ जानेवारी २०२२ । नवी दिल्ली । यावर्षी डिजिटल नोंदणीद्वारे आपल्या आवडत्या चित्ररथाला आणि मार्चिंग तुकडीला मत देऊन जिंकवता येईल. अशी माहिती संरक्षण मंत्रालयाच्या प्रसिद्धी पत्रकातून देण्यात आली आहे.
73 वा प्रजासत्ताक दिन आणि हे वर्ष स्वातंत्र्याचे अमृत महोत्सवी वर्ष असल्याने राजपथावर होणाऱ्या पथसंचलनात बऱ्याच अभिनव बाबींचा समावेश करण्यात आलेला. याचाच एक भाग म्हणून आणि सध्याची कोविड-19 ची पार्श्वभूमी बघता प्रेक्षकांसाठी बसण्याची व्यवस्था कमी करण्यात आली आहे. मात्र, ऑनलाइन माध्यमातून थेट प्रक्षेपण बघता येईल.
थेट प्रक्षेपण बघण्यासाठी MyGov पोर्टलवर (https://www.mygov.in/rd2022/) नोंदणी करण्यासाठी प्रोत्साहित केले जात आहे. यासह प्रेक्षकांना त्यांच्या आवडत्या चित्ररथाला आणि मार्चिंग तुकडीला मतदान करता येईल.
