वावरहिरेत भव्य हापपिच क्रिकेट स्पर्धा
स्थैर्य, वावरहिरे, दि.१२: वावरहिरे ता.माण येथील घोडेमाळावर जी सी बाॅईज क्रिकेट क्लब, वावरहिरे यांच्या वतीने भव्य हापपिच क्रिकेट स्पर्धेचे आयोजन करण्यात आले आहे.या क्रिकेट स्पर्धेचे उद्घाटन सातारा जिल्हा मध्यवर्ती बॅकेचे संचालक अनिल देसाई यांच्या शुभहस्ते करण्यात आले.या कार्यक्रमावेळी राष्ट्रवादीचे नेते डाॅ संदिप पोळ यांनी अंजनी महिला पतसंस्थेचे हेमाकांत बुट्टे यांच्या गोलदांजीवर जोरदार फटकेबाजी करत स्पर्धेला शानदार सुरुवात केली.यावेळी सातारा जिल्हा सहकार बोर्डाचे संचालक व माण उत्तरचे युवा नेते चंद्रकांत जगदाळे,वावरहिरेचे उपसरपंच सुरेशराव काळे, दानवलेवाडीचे सरपंच देवराज तरटे, माजी सरपंच नुरमुहमंद मोदी, अजित मोदी, समीर ओबांसे,विजय कुदळे,वसंत भोसले,तुलशीराम यादव, लखन खुस्पे,जितेंद्र यादव,प्रतिक कुदळे,ॠषीकेष हजारे आदि मान्यवर, क्रिकेटप्रेमी खेळाडु,व ग्रामस्थ मोठ्या संख्खेने उपस्थित होते.यावेळी अनिल देसाई यांनी उपस्थित खेळांडुना मार्गदर्शन करत युवकांनी मैदानी खेळाची जोपासना करत आपले करिअर घडवावे असे उपस्थित क्रिडा शोकिनांना सांगितले. या स्पर्धेतील विजेता संघाला सातारा जिल्हा सहकार बोर्डाचे संचालक चंद्रकांत जगदाळे यांच्या वतीने अकरा हजार एक रुपये ,उपविजेता संघाला माजी पंचायत समिती सदस्य रमेश कदम व संदिप चव्हाण यांच्या वतीने सात हजार एक रुपये,तृतीय क्रमांकास हणमंत वाघ यांच्या वतीने पाच हजार एक रुपये तर चतुर्थ क्रमांकास मधुकर अवघडे यांच्या वतीने तीन हजार एक रुपये अशी बक्षिसे जाहिर करण्यात आली असुन स्पर्धेतील पहिल्या चार क्रमांकास विजेता संघाला गव्हरमेंट काॅन्ट्रॅक्टर चि. प्रतिक विजय कुदळे यांच्या वतीने आकर्षक ट्राॅफी देण्यात येणार आहे .याशिवाय उत्कृष्ट फलंदाज,उत्कृष्ट गोलदांज, सलग तीन षटकार,हॅट्रीक अशी वैयक्तिक अनेक बक्षिसेही लावण्यात आली आहेत.तरी या स्पर्धेचा आनंद वावरहिरे व परिसरातील सर्व खेळाडु व रसिकांनी घ्यावा असे आवाहन जी सी बाॅईज क्रिकेट क्लब वावरहिरे यांच्या मार्फत करण्यात आले.
