नटराज मंदिरात शारदीय नवरात्रोत्सवानिमित्त विविध कार्यक्रमांचे आयोजन

स्थैर्य, सातारा, दि. 16 सप्टेंबर : येथील कृष्णा नगर परिसरातील कांची कामकोटीचे पिठाचे शंकराचार्य परमपूज्य श्री चंद्रशेखरेन्द्र सरस्वती महास्वामी तसेच कांची कामकोटी पिठाचे शंकराचार्य परमपूज्य श्री जयेंद्र सरस्वती व सध्याचे पिठाधिपती परमपूज्य श्री शंकर विजयेंद्र सरस्वती यांच्या पूर्णांग्रह आणि शुभ आशीर्वादाने सातारा येथील श्री उत्तर चिदंबरम नटराज मंदिरात प्रतिवर्षाप्रमाणे सोमवार दि. 22 सप्टेंबर ते गुरुवार दि. 2 ऑक्टोबर दरम्यान शारदीय नवरात्र उत्सव मोठ्या उत्साहात संपन्न होणार आहे.

या विशेष नवरात्री कार्यक्रमांतर्गत दैनंदिन पूजा ,धार्मिक कार्यक्रमांंबरोबर चंडीहोम तसेच सांस्कृतिक कार्यक्रमांचे ही आयोजन करण्यात आले आहे,अशी माहिती नटराज मंदिराचे व्यवस्थापकीय विश्वस्त रमेश शानभाग व विश्वस्त समितीने दिली आहे . नटराज मंदिरात या नवरात्र उत्सव कार्यक्रमांमध्ये सोमवार दि. 22 ते गुरुवार दि. 2 ऑक्टोबर दरम्यान दररोज सकाळी आठ ते दहा या वेळेचे दुर्गा सप्तशती पारायण सकाळी दहा ते अकरा या वेळेत श्री उमादेवी यांना ललिता सहस्त्रनाम अर्चना, आरती, सुवासिनी पूजा व श्री शिवकामसुंदरी देवी यांना ललिता सहस्त्रनाम सायंकाळी साडेपाच वाजता होणार आहे. शुक्रवार दि. 26 सप्टेंबर रोजी सायंकाळी सहा वाजता वेदमूर्ती दत्ता शास्त्री जोशी यांचेकडून ललिता पंचमीनिमित्त सौंदर्य लहरी पारायण संपन्न होणार आहे. रविवार दि. 28 सप्टेंबर रोजी सकाळी आठ ते बारा या वेळात वेदमूर्ती व ब्रह्मवृद्धांच्या हस्ते चंडी होम होणार असून सकाळी दहा ते अकरा या वेळेत कन्या पूजा म्हणजेच कुमारी पूजा केली जाणार आहे.दुपारी एक ते तीन दरम्यान महाप्रसाद वितरित केला जाणार आहे.

बुधवार दि. एक ऑक्टोंबर रोजी महिलांकडून मंदिरात दीप पूजा ,दीपोत्सव संपन्न होणार आहे. गुरुवार दि. 2 ऑक्टोबर रोजी विजयादशमी अर्थात दसरा सणानिमित्त सकाळी 11 वाजता विशेष महापूजा मंदिरात केली जाणार आहे. नवरात्री उत्सव काळामध्ये उमादेवीला रोज विविध अलंकार घालण्यात येणार असून गुरुवार दि. 2 डिसेंबर रोजी शाकंभरी रूपातील भाज्यांचे अलंकार घालून विशेष पूजा केली जाणार आहे. या उत्सव काळात गुरुवार दि. 25 सप्टेंबर ,शनिवार दि. 27 सप्टेंबर ,सोमवार दि. 29 सप्टेंबर आणि मंगळवार दि.30 सप्टेंबर रोजी सायंकाळी सहा ते साडेसात या वेळेत सांस्कृतिक कार्यक्रमाच्या आयोजन करण्यात आले असून यामध्ये गायन, नृत्य व वादन कार्यक्रम संपन्न होणार आहेत. मंदिराच्या या सर्व कार्यक्रमांना सातारकर भाविक भक्तांनी मोठ्या संख्येने उपस्थित राहावे, हे सर्व कार्यक्रम विनामूल्य असून मंदिराचा दैनंदिन खर्च जनता जनार्दनाच्या देणग्यांमधून केला जातो ,त्यामुळे आपल्या इच्छेनुसार आपणही या धार्मिक कार्यात तन, मन,धन अर्पण सहभागी व्हावे असे आवाहन करण्यात आले आहे.