हिंगणगाव गटात भाजपचे ‘इनकमिंग’ जोरात; वडगाव आणि ताथवडा येथील पदाधिकाऱ्यांचा राजे गटाला रामराम! रणजितसिंहांच्या उपस्थितीत भव्य प्रवेश

फलटण तालुक्यातील हिंगणगाव जिल्हा परिषद गटात भाजपची ताकद वाढली. वडगाव आणि ताथवडा येथील सोसायटी चेअरमन, संचालकांसह अनेक कार्यकर्त्यांनी राजे गटाला सोडून भाजपमध्ये प्रवेश केला. माजी खासदार रणजितसिंह नाईक निंबाळकर यांच्या उपस्थितीत सोहळा. वाचा सविस्तर…

स्थैर्य, फलटण, दि. 05 फेब्रुवारी : सातारा जिल्हा परिषद निवडणुकीच्या प्रचाराच्या शेवटच्या टप्प्यात फलटण तालुक्यातील हिंगणगाव (Hingangaon) गटात भारतीय जनता पार्टीने (BJP) जोरदार मुसंडी मारली आहे. या गटातील वडगाव (Vadgaon) आणि ताथवडा (Tathavada) गावांमधील राजे गटाच्या (Raje Group) प्रमुख पदाधिकाऱ्यांनी आणि कार्यकर्त्यांनी काल हिंगणगाव येथे माजी खासदार रणजितसिंह नाईक निंबाळकर (Ranjitsinh Naik Nimbalkar) यांच्या उपस्थितीत भाजपमध्ये जाहीर प्रवेश केला.

या प्रवेशामुळे हिंगणगाव जिल्हा परिषद गटात भाजप आणि महायुतीची बाजू भक्कम झाली असून, राजे गटाला ऐन निवडणुकीत मोठा धक्का बसला आहे.

वडगाव विविध कार्यकारी सेवा सोसायटीचे आजी-माजी पदाधिकारी भाजपमध्ये आल्याने सहकार क्षेत्रातही परिवर्तन घडले आहे. वडगावमधून प्रवेश केलेले प्रमुख मान्यवर:

• श्री. हिम्मत जगताप (गुरुजी) – माजी चेअरमन व विद्यमान संचालक, वडगाव वि. का. सोसायटी.

  

• श्री. लक्ष्मण जगताप – माजी व्हाईस चेअरमन व विद्यमान संचालक.

  

• इतर प्रमुख: स्वप्नील गायकवाड, तुळशीराम यादव, मच्छिन्द्र गायकवाड, युवा नेते अविनाश हणमंत जगताप, अरविंद गायकवाड, अंकुश जगताप, शहाजी शिंदे, विठ्ठल जगताप, महादेव जाधव, लालासो जगताप, दशरथ जगताप, नितीन जगताप आणि इतर कार्यकर्ते.

ताथवडा येथून यांचा झाला प्रवेश

ताथवडा गावातील संजय शिंदे, महादेव जाधव, बंडू शिंदे, सतीश रणवरे यांनीही यावेळी भाजपचा झेंडा हाती घेतला.

यांच्या पुढाकाराने झाला प्रवेश

या प्रवेश प्रक्रियेसाठी आणि पक्षवाढीसाठी वडगावमधील स्थानिक नेतृत्वाने पुढाकार घेतला. यामध्ये माजी उपसरपंच भानुदास चव्हाण, माजी सरपंच धोंडीराम जगताप, माजी उपसरपंच जितोबा जगताप, तसेच पंढरीनाथ यादव, अंकुश जगताप, दत्तू चव्हाण, महेंद्र जगताप, रोहित जगताप, संतोष जगताप, ताराचंद जगताप, अक्षय जगताप आणि शुभम चव्हाण यांची उपस्थिती होती.

रणजितसिंह नाईक निंबाळकर यांनी सर्व नवनिर्वाचित सदस्यांचे स्वागत केले. “हिंगणगाव गटाच्या आणि वडगाव-ताथवडा परिसराच्या विकासासाठी भाजप कटिबद्ध असून, हा विश्वास सार्थ ठरवू,” अशी ग्वाही त्यांनी यावेळी दिली.