केंद्रीय मंत्री ना. नितीन गडकरी फलटणमध्ये दाखल; खासदार रणजितसिंह व श्रीनिवास पाटील यांनी केले स्वागत

दैनिक स्थैर्य । दि. २७ जानेवारी २०२३ । फलटण । केंद्रीय रस्ते वाहतूक मंत्री ना. नितीन गडकरी यांचा आज फलटणमध्ये जाहीर कार्यक्रम आयोजित करण्यात आला आहे. यामध्ये विविध विकासकामांचे भूमिपूजन व लोकार्पण सोहळा संपन्न होणार आहे. या कार्यक्रमासाठी ना. नितीन गडकरी यांचे फलटण येथील विमानतळावर आगमन झाले आहे. ना. नितीन गडकरी यांच्या स्वागतासाठी माढा लोकसभा मतदारसंघाचे खासदार रणजितसिंह नाईक निंबाळकर व सातारा लोकसभा मतदारसंघाचे खासदार श्रीनिवास पाटील यांची प्रमुख उपस्थिती होती. यावेळी भारतीय जनता पार्टीचे स्थानिक पदाधिकारी उपस्थित होते.