विडणी येथे तुकाराम बीज उत्साहात साजरी

दैनिक स्थैर्य । 19 मार्च 2025। फलटण । विडणी येथील अंभग वस्ती (गोठा) येथे श्री संत तुकाराम महाराज यांचा 375 वा वैकुंठ गमन सोहळा (तुकाराम बीज) उत्साहात साजरा करण्यात आला.

दरवर्षी परंपरेने आयोजन श्री संत तुकाराम महाराज वैकुंठ गमन सोहळा (तुकाराम बीज) आयोजित करण्यात येते. यानिमित्त सकाळी श्री विठ्ठल व संत प्रतिमांचे पूजन करण्यात आले. त्यानंतर परिसरातील भजनी मंडळांनी भजन सेवा करण्यात आली.

दुपारी ठीक 12 नंतर ’आम्ही जातो आमुच्या गावा आमचा राम राम घ्यावा’ हा अभंग संपताच ’ पुंडलिक वरदे…’ च्या गजरात प्रतिमेवर पुष्पवृष्टी करण्यात आली. त्यानंतर आरती करण्यात आली. यावेळी वारकरी संप्रदायातील ग्रामस्थांनी मोठी उपस्थिती दर्शवली होती. महाप्रसादाने बीज उत्सवाची सांगता करण्यात आली.

दरवर्षी आषाढ व कार्तिक महिन्यातील संत ज्ञानेश्वर महाराज पालखी सोहळ्याच्या परतीच्या प्रवासात अन्नदान करण्यात येते.