जागतिक कसोटी क्रिकेट स्पर्धेत समीकरण बदलले

स्थैर्य, दि.10: इंग्लंडविरुद्धच्या 4 कसोटी सामन्यांच्या पहिल्या सामन्यात झालेल्या पराभवानंतर भारताच्या वर्ल्ड टेस्ट चॅम्पियनशिप (डब्ल्यूटीसी) कडे जाण्याचा मार्ग खडतर झाला आहे. इंग्लंडने या विजयासोबत WTC च्या गुणतालिकेत टॉपवर पोहोचली आहे. तर भारतीय संघ चौथ्या क्रमांकावर घसरला आहे.

भारताला आता या मालिकेच्या उर्वरित 3 पैकी किमान 2 सामन्यांत विजय मिळवावा लागले. भारत जर एकही सामना गमावला तर फायनलच्या शर्यतीतून बाहेर होईल. दुसरीकडे इंग्लंडला WTC च्या फायनलमध्ये पोहोचण्यासाठी किमान 3 सामने जिंकणे आवश्यक आहे.

WTC च्या फायनलमध्ये न्यूझीलंडचे स्थान पक्के

या निकालामुळे ऑस्ट्रेलिया फायनलमध्ये जाण्याची आशाही वाढली आहे. ऑस्ट्रेलियाचे भविष्यही भारत-इंग्लंड मालिकेवर अवलंबून आहे. इंग्लंड ही मालिका 1-0 ने जिंकल्यास ऑस्ट्रेलिया न्यूझीलंडबरोबर अंतिम सामन्यात खेळेल. ऑस्ट्रेलियन क्रिकेट संघाने दक्षिण आफ्रिका दौरा रद्द केल्यानंतर न्यूझीलंडची फायनलमधील जागा पक्की झाली आहे. यावर्षी जूनमध्ये लॉर्ड्स येथे चॅम्पियनशिपची अंतिम लढत होणार आहे.

भारत-इंग्लंड मालिकेच्या 9 संभाव्य निकालांच्या आधारे कोणते दोन संघ अंतिम फेरी गाठतील हे जाणून घ्या