जिद्द, चिकाटी व आत्मविश्वासाच्या जोरावर यश शक्य – मेरी कोम

दैनिक स्थैर्य | दि. ११ फेब्रुवारी २०२४ | बारामती |
कठीण परिस्थितीमध्ये संघर्ष करत जिद्द, चिकाटी व आत्मविश्वास या जोरावर आपण यश मिळवू शकतो व ते यश मी मिळवले असल्याचे प्रतिपादन प्रसिद्ध महिला बॉक्सर व ऑलम्पिक विजेत्या मेरी कोम यांनी केले.

बारामती येथे रविवार, दि. ११ फेब्रुवारी रोजी शरयू फाउंडेशन यांच्यावतीने ‘बारामती हाफ मॅरेथॉन २०२४’ या स्पर्धेचे आयोजन करण्यात आले होते. याप्रसंगी प्रमुख उपस्थितीमध्ये मेरी कोम यांनी उपस्थित सर्व खेळाडूंना मार्गदर्शन केले.

पहाटे ६.०० वाजता शरयू फाउंडेशनच्या अध्यक्षा शर्मिला पवार, उद्योजक श्रीनिवास पवार व मेरी कोम यांच्या हस्ते झेंडा दाखवून हाफ मॅरेथॉनला सुरूवात झाली. बक्षीस वितरणप्रसंगी प्रांताधिकारी वैभव नावडकर, अतिरिक्त पोलीस अधीक्षक संजय जाधव, पोलीस अधिकारी सुदर्शन राठोड, उपप्रादेशिक परिवहन अधिकारी दीपक केसरकर, पोलीस निरीक्षक दिनेश तायडे, गोरख गायकवाड व बारामती रनर्सचे डॉ. वरद देवकाते, अमोल वाबळे, अ‍ॅड. रोहित काटे व इतर मान्यवर उपस्थित होते.

खासदार सुप्रिया सुळे यांनी स्वतः ३ किमी धावणेमध्ये रितसर नोंदणी करून सहभाग घेतला व उपस्थित खेळाडूंना प्रोत्साहित केले.

४ अपत्ये असताना सुद्धा सराव कधीही चुकला नाही. सांसारिक जबाबदारी पार पाडताना पतीचे सहकार्य मिळाले. ऑलम्पिकमध्ये सुवर्णपदक मिळवायचे होते; परंतु ब्रांझ पदकावर समाधान मानावे लागले, हीसुद्धा खंत आहे. यश मिळवायचे असेल तर सरावाशिवाय पर्याय नाही. ध्येय निश्चित करा, ध्येयापर्यंत पोहोचेपर्यंत इतर प्रलोभन, आमिषाला बळी पडू नका, असा सल्ला मेरी कोम यांनी दिला.

ग्रामीण भागातील खेळाडूंना हक्काचे व्यासपीठ व मैदान प्राप्त करून देणे, त्याचप्रमाणे आरोग्याचा जनजागर होण्यासाठी सदर मॅरेथॉनच्या माध्यमातून प्रयत्न करत असल्याचे फाउंडेशनच्या अध्यक्षा शर्मिला पवार यांनी सांगितले.

शरयु फौंडेशनच्याच्या कार्याचा आढावा अ‍ॅड. शुभम निंबाळकर यांनी घेतला.

या स्पर्धेतील विजेते खेळाडू व वेळ पुढीलप्रमाणे :

२१ किलोमीटर (परदेशी खेळाडू पुरूष)

• प्रथम – अडणीव टोलेसा : वेळ १ तास १२ मिनिटे
• द्वितीय – एकेले निगुसे : वेळ १ तास १४ मिनिटे
• तृतीय – मगासे सोरा : १ तास २१ मिनिटे

२१ किलोमीटर (परदेशी महिला खेळाडू)

• प्रथम – हिलंडा तनई : १ तास १९ मी.
• द्वितीय – बिर्गिड किमतवाई : १ तास २९ मी.

२१ कि. मी. पुरूष (खुला गट)

• प्रथम – अंकुश हालके : १ तास ८ मी.
• द्वितीय – मनीष राजपूत : १ तास ०९ मी
• तृतीय – विशाल गंभीरे : १ तास १० मी.

  २१ की. मी. स्त्री (खुला गट)

• प्रथम – राणी मचनंदी : १ तास २१ मी
• द्वितीय – आकांक्षा शेलार : १ तास२२ मी.
• तृतीय – वैष्णवी मोरे : १ तास २५ मी.

१० किमी पुरूष

• प्रथम – सुनील कुमार : ३१ मी. ५६ सेकंद,
• द्वितीय – महादेव कोळेकर : ३२ मी ३३ से.
• तृतीय – कृपाशंकर यादव : ३२ मी ५२ से.

१० कि.मी. महिला

• प्रथम – प्राजक्ता शिंदे : ३८ मि ५९ से.
• द्वितीय – सुरेखा मदने : ४० मी ५७ से.
• तृतीय – दीक्षा लोणार : ५१ मी.०४ से.

जवळपास ६ हजार सहभागी खेळाडूंनी स्पर्धा पूर्ण केली. प्रत्येक सहभागी खेळाडूला पदक देऊन सन्मानित करण्यात आले. सहभागी खेळाडू, प्रशिक्षक व सर्वांनी उत्कृष्ट अयोजनाबद्दल समाधान व्यक्त केले. खेळाडूंच्या मुलाखती श्री. सावळे- पाटील यांनी घेतल्या. सूत्रसंचालन अनिल रूपणवर व आभार डॉ. पी. एन. देवकाते यांनी मानले.

 

आफ्रिकन खेळाडूपेक्षा भारतीय खेळाडूंनी यावेळेस बाजी मारली, तर हरियाणामधील ६५ वर्षीय भजनलाल व त्यांचा मुलगा ३२ वर्षीय हरभजन या पिता-पुत्राच्या जोडीने स्पर्धा पूर्ण करत केलेले भांगडा नृत्याने डोळ्यांचे पारणे फेडले, तर नऊवारी साडी घालून महिलांनी भाग घेतला. बालकांपासून ज्येष्ठांपर्यंत प्रत्येक स्त्री-पुरूषाचा सहभाग आनंददायी व उल्हासपूर्ण होता.