सिताराम निंबाळकर यांचे निधन
दैनिक स्थैर्य । दि. 16 ऑक्टोबर 2021 । फलटण । येथील विजय प्रिंटर्सचे मालक सिताराम जगदेवराव निंबाळकर (वय 76) यांचे अल्पशा आजाराने मंगळवार दि.12 ऑक्टोबर 2021 रोजी पहाटे दुःखद निधन झाले.
ते मास्तर या नावाने सर्वत्र परिचित होते. अक्कलकोट श्री स्वामी समर्थ महाराजांचे ते निस्सीम भक्त होते.सामाजिक व धार्मिक कार्यात त्यांचा सहभाग होता. त्यांच्या पश्‍चात पत्नी, तीन मुले, एक मुलगी, सूना, नातवंडे असा परिवार आहे.
हॉकी खेळाडू सुजित निंबाळकर, सन ग्राफिक्सचे मालक उमेश निंबाळकर, महात्मा एज्युकेशन सोसायटीचे श्रीराम विद्याभवन फलटण या प्रशालेचे मुख्याध्यापक मनीष निंबाळकर, भारती विद्यापीठ नेरूळ नर्सिंग कॉलेजच्या प्राचार्या वैशाली जाधव – निंबाळकर यांचे ते वडील होत.
जिल्हा परिषदेचे माजी अध्यक्ष श्रीमंत संजीवराजे नाईक निंबाळकर, राष्ट्रवादीचे ज्येष्ठ नेते सुभामषराव शिंदे, महात्मा एज्युकेशन सोसायटीचे सेक्रेटरी रविंद्र बेडकिहाळ, सदस्य शांताराम आवटे, श्रीराम विद्याभवन प्रशालेचे चेअरमन रविंद बर्गे, आचार्य बाळशास्त्री जांभेकर माध्यमिक विद्यालयाच्या चेअरमन सौ. अलका बेडकिहाळ, पत्रकार अजय माळवे, श्रीराम कृषी भांडारचे रणजीत निंबाळकर, प्राथमिक शिक्षक बँकेचे संचालक अनिल शिंदे यांच्यासह डॉक्टर, शिक्षक, नातेवाईक, ग्रामस्थ यांच्यासह सामाजिक, अध्यात्मिक, शैक्षणिक, वैद्यकीय क्षेत्रातील अनेक मान्यवरांनी त्यांना श्रद्धांजली वाहिली. फलटण येथील वैकुंठभूमीत त्यांच्यावर अंत्यसंस्कार करण्यात आले.
