श्रीमंत रामराजेंनी घेतली शहीद जवान वैभव भोईटे यांच्या कुटुंबियांची सांत्वनपर भेट
दैनिक स्थैर्य | दि. 22 ऑगस्ट 2023 | राजाळे | फलटण तालुक्यातील राजाळे येथील जवान वैभव भोईटे हे लेह – लडाख येथे आपली सेवा बजावताना झालेल्या अपघातात शहीद झाले. त्यांचे कार्य हे कायमच फलटणकरांच्या लक्षात राहील व आगामी काळामध्ये भोईटे कुटुंबियांच्या पाठीशी खंबीरपणे असणार आहोत; अशी ग्वाही विधानपरिषदेचे माजी सभापती व विद्यमान आमदार श्रीमंत रामराजे नाईक निंबाळकर यांनी दिली.
काल राजाळे, ता. फलटण येथे जवान वैभव भोईटे यांच्यावर शासकीय इतमातात अंत्यसंस्कार करण्यात आले. त्यानंतर आज विधानपरिषदेचे माजी सभापती व विद्यमान आमदार श्रीमंत रामराजे नाईक निंबाळकर यांनी सांत्वनपर भेट दिली.
