सह्याद्री कदम यांचा वाढदिवस साधेपणाने होणार

दैनिक स्थैर्य । दि. 03 जुन 2025 । फलटण । फलटण तालुक्यातील युवा नेते तथा जय भवानी एज्युकेशन सोसायटीचे अध्यक्ष सह्याद्री चिमणराव कदम यांचा वाढदिवस उद्या बुधवार दि. ४ जून रोजी साधेपणाने होणार आहे. ऑपरेशन सिंदूर व फलटण तालुक्यात झालेल्या अवकाळी पावसामुळे अतिशय साधेपणाने वाढदिवस साजरा करणार असल्याची माहिती सह्याद्री भैय्या युवा मंचचे संस्थापक अध्यक्ष पै. सुरज कदम यांनी दिली आहे.

सह्याद्री भैया कदम यांच्या प्रेरणेने फलटण तालुक्यातील युवा मंचाची स्थापना केली गेली आहे. तेथील संस्थापक अध्यक्ष व पै. सुरज कदम यांनी या निमित्ताने सांगितले की, “या वर्षी सह्याद्री (भैय्या) कदम यांचा वाढदिवस अतिशय साधेपणाने साजरा होणार आहे. ऑपरेशन सिंदूर व फलटण तालुक्यात झालेल्या अवकाळी पावसामुळे ह्यावर्षीची परिस्थिती वेगळी आहे. त्यामुळे वाढदिवस हा अतिशय साधेपणाने करण्याचा मानस आहे”

सह्याद्री (भैय्या) कदम यांनी युवा मंचातील कार्यकर्त्यांना नेहमीच सामाजिक जबाबदारीचे भान ठेवले आहे. त्यांच्या नेतृत्वाखाली फलटण तालुक्यातील विद्यार्थी, युवा व कृषी क्षेत्रातील कामगारांच्या विविध समस्या सोडवण्याचा सतत प्रयत्न होतो. त्यामुळेच सह्याद्री (भैय्या) कदमांचा वाढदिवस हा केवळ एक वैयक्तिक उत्सव न राहता, सामाजिक जोडणीचा आणि आदर्श नेतृत्वाचा दिवस म्हणूनही साजरा होतो.

सुरज कदम यांनी पुढे सांगितले की, “सह्याद्री (भैय्या) कदम हे फलटण तालुक्याच्या सामाजिक आणि शैक्षणिक विकासासाठी आदर्श उदाहरण म्हणून ओळखले जातात. त्यांच्या नेतृत्वाखाली शिक्षण उन्नती, युवा क्षेत्रातील कामगिरी यांसारख्या अनेक प्रकल्पांना चालना मिळाली आहे. त्यांच्या या वाढदिवसाचे सादरकरण साधे असले तरी, त्यांना समाजाकडून मिळणारा प्रेमाचा आणि आदराचा भाव भरपूर आहे.”