ग्रामविकास मंत्री जयकुमार गोरे यांच्याकडून फलटणमध्ये महात्मा ज्योतिराव फुले यांना विनम्र अभिवादन


राज्याचे ग्रामविकास मंत्री जयकुमार गोरे यांनी फलटण येथील महात्मा फुले चौकात क्रांतिसूर्य महात्मा ज्योतिराव फुले यांना जयंतीनिमित्त पुष्पहार अर्पण करून विनम्र अभिवादन केले.

स्थैर्य, फलटण, दि. 11 एप्रिल : क्रांतिसूर्य महात्मा ज्योतिराव फुले यांच्या जयंतीचे औचित्य साधून राज्याचे ग्रामविकास मंत्री जयकुमार गोरे यांनी आज फलटण येथील महात्मा फुले चौकात भेट दिली. यावेळी त्यांनी महात्मा फुले यांच्या प्रतिमेस पुष्पहार अर्पण करून त्यांच्या महान सामाजिक कार्याचे स्मरण करत त्यांना भावपूर्ण व विनम्र अभिवादन केले.

या अभिवादनप्रसंगी ग्रामविकास मंत्री जयकुमार गोरे यांच्यासोबत फलटण-कोरेगाव मतदारसंघाचे आमदार सचिन पाटील, फलटणचे नगराध्यक्ष समशेरसिंह नाईक निंबाळकर यांची प्रमुख उपस्थिती होती.

तसेच, या कार्यक्रमासाठी शहरातील अनेक नगरसेवक, नगरसेविका आणि फलटण शहरासह तालुक्यातील विविध राजकीय, सामाजिक व शैक्षणिक क्षेत्रांतील मान्यवर, कार्यकर्ते आणि नागरिक मोठ्या संख्येने उपस्थित होते.

उपस्थित सर्व मान्यवरांनी यावेळी महात्मा फुले यांच्या समतेच्या आणि सत्यशोधक विचारांना उजाळा दिला.


दैनिक स्थैर्यच्या न्यूज पोर्टलद्वारे प्रकाशित होणाऱ्या जाहिराती, बातम्या, लेखांसह इतर सर्व प्रकारच्या मजकुराची शहानिशा दैनिक स्थैर्यने केलेली नाही. तरी न्यूज पोर्टलमध्ये प्रसिद्ध होणाऱ्या कोणत्याही मजकुराबाबत दैनिक स्थैर्यचे मालक, मुद्रक, प्रकाशक व संपादक जबाबदार राहणार नाही. सर्व वादविवाद फक्त फलटण न्यायालयीन कक्षेत. Copyright © 2026 - स्थैर्य
Back to top button
Don`t copy text!