बारामती मध्ये सूर्य नमस्कार चा विक्रम

दैनिक स्थैर्य । दि. १३ डिसेंबर २०२२ । बारामती । खासदार शरद पवार यांच्या 83 व्या वाढदिवसाच्या निमित्ताने बारामती येथील उद्योजक रमेशदादा साळुंके आणि अमोल गावडे यांनी शरद पवार दीर्घायुषी व्हावेत, अश्या शुभेच्छा म्हणून 1212 सूर्यनमस्कार मारून तालुक्याच्या ठिकाणी सर्वात जास्त सूर्यनमस्कार मारण्याचा विक्रम केला आहे. रमेश साळुंके आणि अमोल गावडे बारामती येथील रहिवासी असुन, ते नियमित व्यायाम करतात.. त्यांनी यापूर्वी सुद्धा 1212 सपाट्या मारुन शरद पवार यांना शुभेच्छा दिल्या आहेत.

सोमवार दि. 12 डिसेम्बर रोजी पहाटे 3:30 मिनिटांनी, बारामती येथील टी सी कॉलेजच्या मैदानावर 1212 सूर्यनमस्कार मारायला सुरुवात केली, आणि सकाळी 8:00 वाजता सूर्यनमस्कार पूर्ण झाले.या वेळी अनेक खेळाडू व प्रशिक्षक व तुळजाराम चतूरचंद महाविद्यालय चे विश्व्स्त व बारामती सायकल क्लब चे सदस्य उपस्तित होते.