स्टॅच्यू ऑफ यूनिटीपर्यंत पोहोचणे सोपे:मोदींनी 8 नवीन ट्रेन सुरू केल्या
स्थैर्य, नवी दिल्ली, दि.१७: पंतप्रधान नरेंद्र मोदींनी व्हिडिओ कॉन्फ्रेसिंगच्या माध्यमातून 8 नवीन ट्रेनला हिरवा झेंडा दाखवला. या ट्रेन देशाच्या वेगवेगळ्या भागांमधून गुजरातच्या केवडियासाठी सुरू केल्या जात आहेत. ज्यामुळे स्टॅच्यू ऑफ यूनिटी पाहण्यासाठी जाणाऱ्यांना सुविधा होईल. गुजरात व्यतिरिक्त देशातील 6 राज्य – दिल्ली, महाराष्ट्र, राजस्थान, उत्तर प्रदेश, मध्य प्रदेश आणि तामुळनाडूमधूनही केवडियासाठी थेटर कनेक्टिव्हिटी झाली आहे.
मोदींनी म्हटले की, रेल्वेच्या इतिहासात पहिल्यांदा असे होते आहे जेव्हा वेगवेगळ्या ठिकाणांहून एवढ्या ट्रेनला हिरवा झेंडा दाखवण्यात आला. हा कार्यक्रम भारताला खऱ्या अर्थाने जोडण्याचा एक प्रयत्न आहे. एमजी रामचंद्रन स्टेशन (चेन्नई स्टेशन) वरुन एक ट्रेन येत आहे. आज MGR यांची जयंती देखील आहे. चित्रपटांपासून ते राजकारणापर्यंतच्या लोकांच्या मनावर त्यांनी राज्य केले. गरिबांना सन्मान मिळावा, यासाठी त्यांनी आयुष्यभर काम केले. आम्ही त्यांचे विचार पुढे घेऊन जाण्याचे काम करत आहोत.
रोजगाराच्या संधी वाढतील
पंतप्रधान म्हणाले की केवडियाचे अनेक क्षेत्रांतून ट्रेनच्या माध्यमातून जोडले जाणे अभिमानाचा क्षण आहे. अनेक ठिकाणाहून गाड्या केवडियाकडे रवाना झाल्या आहेत. रेल्वे मार्गाचे रुंदीकरण हा विकास यात्रेतील एक नवीन अध्याय आहे. एकेकाळी नॅरोगेज ट्रेनने चालत होते. वेग इतका हळू होता की कुठेही खाली उतरा, चढून जा. आज तेच ब्रॉडगेज होत आहे. या कनेक्टिव्हिटीमुळे बर्‍याच रोजगार आणि स्वयंरोजगाराच्या संधी मिळतील. करनाली पोइशासारख्या आस्थेच्या स्थानांनाही जोडले जाईल. हे स्प्रिचुअल वायब्रेशनयुक्त क्षेत्र आहे. येथे येणाऱ्यासाठी ही मोठी भेट ठरेल.
केवडियाला कम्प्लीट टूरिस्ट डेस्टिनेशन बनवले
यापूर्वी जेव्हा ते फॅमिली डेस्टिनेशन बनवण्याविषयी बोलले जात होते, तेव्हा म्हणत होते की ते तयार करण्यास कित्येक दशके लागतील. रस्ता नव्हता, रेल्वेमार्ग नव्हता. हे एका लहानशा खेड्यासारखे होते. काही वर्षांत याचा कायाकल्प झाला आहे. आता तेथे रुंद रस्ते, हॉटेल, हवाई संपर्क, इंटरनेट सुविधा आहेत. खर्‍या अर्थाने येथे एक संपूर्ण पॅकेज आहे. येथे शेकडो एकरात पसरलेले प्राणी उद्यान, जंगल सफारी, योग-आधारित वन, ओशन पार्क, ग्लोब गार्डन आहेत. क्रूझची सुविधा असताना राफ्टिंग देखील उपलब्ध आहे. आता येथील आदिवासींनाही रोजगार मिळू लागला आहे. ते व्यवस्थापक, कॅफे मालक आणि गाइड बनत आहेत.
