राजू शेट्टी यांना कोरोनाची लागण
स्थैर्य, कोल्हापूर, दि.५: तीन आमदार आणि एक खासदारनंतर कोल्हापूर जिल्ह्यातील माजी खासदार व स्वाभिमानी शेतकरी संघटनेचे नेते राजू शेट्टी यांनाही कोरोनाची सौम्य लक्षणे आढळल्याने त्यांनी घरीच उपचार सुरू केले आहेत.
जिल्ह्यात यापूर्वी खासदार संजय मंडलिक , आमदार चंद्रकांत जाधव, ऋतुराज पाटील आणि प्रकाश आवडे यांच्याबरोबरच निवासी उपजिल्हाधिकारी, जिल्हा परिषदेचे मुख्य कार्यकारी अधिकारी, महापालिकेचे उपायुक्त, सहाय्यक आयुक्त यांच्यासह अनेक अधिका-यांनाही कोरोनाची बाधा झाली आहे.
माजी खासदार राजू शेट्टी यांनी कोरोना चाचणी करून घेतली त्यामध्ये त्यांच्या फुप्फुसांमध्ये सौम्य लक्षणे असल्याचे डॉक्टरांनी सांगितले आहे. यामुळे त्यांनी घरातच उपचार सुरू केले आहेत.
