डीजे बंदीसाठी ज्येष्ठ नागरिकांच्यावतीने सातार्यात निषेध मोर्चा
सातारा : डीजे बंदीसाठी ज्येष्ठ नागरिकांच्यावतीने गांधीमैदान ते पोवईनाकाअसा निषेध मोर्चा काढला. (छाया : अतुल देशपांडे, सातारा)
स्थैर्य, फलटण, दि. 19 ऑगस्ट : महाराष्ट्रात साजर्या होणार्या गणेशोत्सवासह सर्व उत्सवांमध्ये डीजेचा वापर केला जात आहे. न्यायालयाचे उल्लंघन करून कर्णकर्कश आवाज सोडला जातो. आवाज आरोग्याच्या दृष्टीने डीजे घातक आहे. या डीजेला बंदी घालावी या मागणीसाठी जेष्ठ नागरिकांच्यावतीने गांधी मैदान ते पोवई नाका असा निषेध मोर्चा काढण्यात आला.
सध्या महाराष्ट्रात साजर्या होणार्या गणेशोत्सवासह सर्व उत्सवांमध्ये डीजेचा वापर केला जात आहे. यात या कर्णकर्कश आणि कानठळ्या बसणार्या आवाज यंत्रणेचा वापर केला जातो. ही माणसाच्या आरोग्याच्या दृष्टीने घातक अशी यंत्रणा आहे हे सिद्ध झाले आहे. डीजे यंत्रणेमुळे हृदयविकार, कर्णबधीरता अशा समस्यांचा सामना करावा लागला आहे. याला अनेक जेष्ठ नागरिक संघाच्यावतीने जिल्हाधिकार्यांना निवेदन देवून विरोध केला. मात्र, त्यावर सकारात्मक निर्णय झाला नाही. त्यामुळे डीजेला विरोध करण्यासाठी गांधी मैदान राजवाडा ते पोवई नाका असा मोर्चा काढण्यात आला. मोर्चामध्ये शांततेच्या मार्गाने डीजे विरोधात घोषणा देण्यात आल्या.
मोर्चा पोवई नाक्यावर आल्यावर पालकमंत्री शंभूराज देसाई यांच्या प्रतिनिधीस निवेदन देण्यात आले. त्यानंतर पोवई नाका येथे निदर्शने करत निषेध करण्यात आला आहे. या मोर्चात पुण्यशील सुमित्राराजे भोसले ज्येष्ठ नागरिक संघ, ज्येष्ठ नागरिक संघ शाहूनगर, अजिंक्य ज्येष्ठ नागरिक संघ, पूर्वा ज्येष्ठ नागरिक संघ, समता ज्येष्ठ नागरिक संघ, माऊली ज्येष्ठ नागरिक संघ, अभिनव जेष्ठ नागरिक संघ जिहे, भैरवनाथ ज्येष्ठ नागरिक संघ, समर्थ परिसर जेष्ठ नागरिक संघ, जेष्ठ नागरिक संघ राजवाडा, सहवास महिला जेष्ठ नागरिक संघ, कै. कर्मवीर डॉ. मार्तंडराव सूर्यवंशी (चाचा) फाउंडेशन, इंडियन मेडिकल असोसिएशन, नॅशनल इंटिग्रेटेड मेडिकल असोसिएशन, इन्स्टिट्यूट
ऑफ चार्टर्ड अकाउंटंटस् ऑफ इंडिया सातारा शाखा तसेच ज्ञानविकास मंडळ अशा 16 संस्थेच्यावतीने डीजेवर बंदी झालीच पाहिजे, अशी मागणी करण्यात आली.
