फलटण आठवडा बाजार : जागा बदल आणि गोंधळाचे वातावरण; नक्की विषय काय आहे ?

दैनिक स्थैर्य | दि. 18 फेब्रुवारी 2025 | फलटण | फलटण शहरात आठवडी बाजाराच्या जागेबाबतचा विवाद गंभीर वळण घेत आहे. कोरोना महामारी आणि लॉकडाउन नंतर, आठवडी बाजार महात्मा फुले चौक, माळजाई मंदिराच्या समोर, गिरवी नाका, माजी आमदार स्व. चिमणराव कदम यांच्या निवासस्थानाच्या शेजारी असलेल्या रस्त्यावर स्थानांतरित झाला होता. आता आमदार सचिन पाटील व माजी खासदार रणजितसिंह नाईक निंबाळकर यांच्या प्रयत्नांनंतर, आठवडी बाजार पुन्हा जुन्या जागी बसवण्याचे निर्देश दिले गेले आहेत, परंतु ही जागा बदलण्यामुळे गोंधळाचे वातावरण निर्माण झाले आहे.

कोरोना महामारी आणि लॉकडाउन नंतर, फलटण शहरातील आठवडी बाजार महात्मा फुले चौक, माळजाई मंदिराच्या समोर, गिरवी नाका, माजी आमदार स्व. चिमणराव कदम यांच्या निवासस्थानाच्या शेजारी असलेल्या रस्त्यावर स्थानांतरित झाला होता. या बदलामुळे शेतकरी व भाजी विक्रेत्यांना चांगल्या प्रकारे जम बसला होता, परंतु रविवार पेठेतील व्यापाऱ्यांनी आठवडी बाजार हा पुन्हा जुन्या पद्धतीने म्हणजेच जुन्या बाजार पेठेमध्ये बसवण्यासाठी माजी खासदार रणजितसिंह नाईक निंबाळकर यांना विनंती केली होती.

माजी खासदार रणजितसिंह नाईक निंबाळकर यांनी आठवडी बाजार पुन्हा गजानन चौक, उमाजी नाईक चौक, डेक्कन चौक, ब्लड बँकेच्या समोर, शिवशक्ती चौक, रविवार पेठ, उघडा मारुती मंदिराच्या समोर बसवण्याचे निर्देश दिले. मुख्याधिकारी निखिल मोरे यांनी तातडीने कार्यवाही करत आठवडी बाजाराची जागेमध्ये बदल केला. परंतु जागा बदल झालेल्या पहिल्याच रविवारी प्रचंड मोठा गोंधळ हा आठवडी बाजारामध्ये बघायला मिळाला.

जागा बदल झाल्यानंतर, काही भाजी विक्रेते व शेतकऱ्यांनी माळजाई मंदिराच्या समोर भाजी विक्रीसाठी बसले, ज्यामुळे पुन्हा गोंधळाचे वातावरण तयार झाले आहे. काल फलटण नगरपरिषद येथे भाजी विक्रेते व मुख्याधिकारी निखिल मोरे यांच्यामध्ये एक बैठक संपन्न झाली, त्यामध्ये भाजी विक्रेते हे महात्मा फुले चौक, माळजाई मंदिराच्या समोर, गिरवी नाका, माजी आमदार स्व. चिमणराव कदम यांच्या फलटण येथील निवासस्थानाच्या शेजारी असलेल्या रस्त्यावर बसण्यासाठीच ठाम असून, मुख्याधिकारी निखिल मोरे यांनी याबाबत पोलीस प्रशासनाची चर्चा करून दोन दिवसात तोडगा काढण्याचे आश्वासन दिले आहे.

फलटण शहरातील आठवडी बाजाराच्या जागेबाबतचा विवाद सध्या गंभीर आहे. जुन्या जागी परतवण्याची मागणी आणि त्यानंतरचा गोंधळ हे मुख्य मुद्दे आहेत. मुख्याधिकारी निखिल मोरे यांनी दोन दिवसात तोडगा काढण्याचे आश्वासन दिले आहे.