फलटण नगरपरिषद अंतिम प्रभाग रचना जाहीर; १३ प्रभागांतून २७ सदस्य निवडणार
प्रारूप आराखड्यावरील सर्व हरकती फेटाळल्या; मुख्याधिकारी निखिल जाधव यांची अधिसूचना जारी
स्थैर्य, फलटण, दि. ३० सप्टेंबर : फलटण नगरपरिषदेच्या आगामी सार्वत्रिक निवडणुकीसाठी अंतिम प्रभाग रचनेची अधिसूचना अखेर प्रसिद्ध करण्यात आली आहे. मुख्याधिकारी निखिल जाधव यांनी दिनांक २९ सप्टेंबर २०२५ रोजी ही अधिसूचना जारी केली. यापूर्वी दि. १८ ऑगस्ट २०२५ रोजी प्रसिद्ध करण्यात आलेल्या प्रारूप प्रभाग रचनेवर प्राप्त झालेल्या सर्व हरकती व सूचनांचा विचार करून, त्या फेटाळण्यात आल्या असून, प्रारूप आराखडाच अंतिम करण्यात आला आहे.
या अंतिम अधिसूचनेनुसार, फलटण नगरपरिषदेसाठी एकूण २७ सदस्यांची निवड केली जाणार आहे. यासाठी शहराची एकूण १३ प्रभागांमध्ये विभागणी करण्यात आली आहे. यापैकी १२ प्रभाग हे दोन सदस्यीय असतील , तर प्रभाग क्रमांक १३ हा एकमेव तीन सदस्यीय प्रभाग असेल.
ही प्रभाग रचना आगामी सार्वत्रिक निवडणुकीसाठी लागू असणार आहे. प्रभागांच्या सीमा दर्शविणारे सविस्तर नकाशे नगरपरिषद कार्यालयात कार्यालयीन वेळेत पाहण्यासाठी उपलब्ध आहेत.
अंतिम प्रभाग रचना (व्याप्ती व सदस्य संख्या) पुढीलप्रमाणे:
- प्रभाग क्रमांक १ (दोन सदस्य) :
- प्रमुख भाग : नगर परिषद पाणीपुरवठा केंद्र, फिरंगाई मंदिर, लक्ष्मी मरिमाता मंदिर, सोमवार पेठ संपूर्ण, श्रीराम साखर कारखाना, कृषी उत्पन्न बाजार समिती, पुजारी कॉलनी, यशवंतराव चव्हाण हायस्कूल परिसर.
- लोकसंख्या (३५१४) : अ.जा – ८१५, अ.ज – १२९.
- प्रभाग क्रमांक २ (दोन सदस्य) :
- प्रमुख भाग : मंगळवार पेठ परिसर, बस स्थानक समोरील परिसर, पुणे रस्ता परिसर.
- लोकसंख्या (३६४५) : अ.जा – २९४६, अ.ज – ०.
- प्रभाग क्रमांक ३ (दोन सदस्य) :
- प्रमुख भाग : आखरी रस्ता पूर्व बाजू, नायरा पेट्रोल पंप परिसर, उर्दू शाळा, कुरेशी मस्जिद परिसर, बुरूड गल्ली, जुने सभापती निवास समोरील बाजू, खाटिक गल्ली, परिट गल्ली, कुंभार टेक.
- लोकसंख्या (३५४३) : अ.जा – १५१८, अ.ज – ९.
- प्रभाग क्रमांक ४ (दोन सदस्य) :
- प्रमुख भाग : आखरी रस्ता पश्चिम बाजू, पठाणवाडा, पाचबत्ती चौक, लाटकर तट्टी, शनी मंदिर, हरीहरेश्वर मंदिर, वेलणकर दत्त मंदिर, चांदतारा मस्जिद, जैन मंदिर, दगडी पूल परिसर.
- लोकसंख्या (४२२३) : अ.जा – २६६, अ.ज – २७.
- प्रभाग क्रमांक ५ (दोन सदस्य) :
- प्रमुख भाग : श्रीमंत मालोजीराजे शेती विद्यालय, शेती शाळा परिसर, जिंती नाका, गोसावी वस्ती परिसर, बाणगंगा नदी हद्द, पुणे रोड परिसर, आईसाहेब मंदिर, हरीबुवा मंदिर, महादेव मंदिर, उंबरेश्वर चौक, स्वामी समर्थ मंदिर, इंदिरानगर वसाहत.
- लोकसंख्या (३५९३) : अ.जा – ६३०, अ.ज – ११.
- प्रभाग क्रमांक ६ (दोन सदस्य) :
- प्रमुख भाग : संतोषी माता मंदिर परिसर, सगुनामाता नगर, साईबाबा मंदिर, श्रीकृष्ण बेकरी परिसर, जिंती नाका पेट्रोल पंप, हॉटेल महाराजा परिसर, निमकर सीड्स, बॅ. राजाभाऊ भोसले घर परिसर.
- लोकसंख्या (३९६१) : अ.जा – ३६७, अ.ज – ०.
- प्रभाग क्रमांक ७ (दोन सदस्य) :
- प्रमुख भाग : संत बापुदास नगर, हनुमान नगर, सातारा रस्ता दोन्ही बाजू, मुधोजी कॉलेज परिसर, जिनिंग मिल, कुंभार भट्टी परिसर, जुने ग्रामीण पोलीस स्टेशन परिसर, रंगारी महादेव मंदिर परिसर, श्री चक्रपाणी जन्म स्थान मंदिर, काळूबाई मंदिर परिसर, प्रेमलाताई चव्हाण हायस्कूल परिसर.
- लोकसंख्या (३३९३) : अ.जा – १८३, अ.ज – १२.
- प्रभाग क्रमांक ८ (दोन सदस्य) :
- प्रमुख भाग : ब्राह्मण गल्ली, शंकर मार्केट परिसर, नगरपरिषद आरोग्य केंद्र, पराडकर प्रेस, नवलबाई मंगल कार्यालय, मारवाड पेठ परिसर, श्रीराम मंदिर, मुधोजी प्राथमिक शाळा, श्रीकृष्ण मंदिर.
- लोकसंख्या (३८३७) : अ.जा – ६३, अ.ज – ७.
- प्रभाग क्रमांक ९ (दोन सदस्य) :
- प्रमुख भाग : गजानन चौक परिसर, ज्योतीचंद भाईचंद सराफ दुकान परिसर, पवार गल्ली, नगर परिषद परिसर, उमाजी नाईक चौक परिसर, मेटकरी गल्ली, उघडा मारुती मंदिर परिसर, मटन मार्केट, मच्छी मार्केट परिसर, रविवार पेठ तालीम परिसर.
- लोकसंख्या (४१०८) : अ.जा – २४३, अ.ज – २८.
- प्रभाग क्रमांक १० (दोन सदस्य) :
- प्रमुख भाग : बसस्थानक, घडसोली मैदान, शिंगणापूर रस्ता, पृथ्वी चौक (अहिल्यादेवी चौक), शिवाजीनगर, खर्डेकर विद्यालय परिसर, रिंग रोड उत्तर बाजू, नामजोशी पेट्रोल पंप मागील परिसर, सुविधा हॉस्पिटल परिसर, जलमंदिर परिसर.
- लोकसंख्या (४२९६) : अ.जा – ४१४, अ.ज – ४३.
- प्रभाग क्रमांक ११ (दोन सदस्य) :
- प्रमुख भाग : रायगड हॉटेल परिसर, प्रा. शिवाजीराव भोसले घर परिसर, महात्मा फुले शॉपिंग सेंटर परिसर, माळजाई मंदिर परिसर, सिटी प्राईड परिसर, नारळी बाग परिसर, मुधोजी हायस्कूल परिसर, उपळेकर महाराज मंदिर परिसर, जोशी हॉस्पिटल परिसर, जुनी एम.एस.ई.बी. कॉलनी, प्रशासकीय इमारत परिसर, डी.एड. चौक, बंटीराजे खर्डेकर घर परिसर.
- लोकसंख्या (३८३०) : अ.जा – २२१, अ.ज – ३२.
- प्रभाग क्रमांक १२ (दोन सदस्य) :
- प्रमुख भाग : स्वामी विवेकानंद नगर, दत्तनगर, आबासाहेब मंदिर मागील बाजू, हणमंतराव पवार हायस्कूल परिसर, कामगार कॉलनी, खजिना हौद मागील परिसर.
- लोकसंख्या (४१३०) : अ.जा – ७६६, अ.ज – १८.
- प्रभाग क्रमांक १३ (तीन सदस्य) :
- प्रमुख भाग : पद्मावतीनगर, भडकमकर नगर, पोलिस स्टेशन कॉलनी, संजीवराजे नगर परिसर, इरिगेशन कॉलनी परिसर, हाडको कॉलनी, आनंद नगर, गोळीबार मैदान परिसर, विद्यानगर परिसर, निर्मलादेवी शाळा परिसर, महाराजा मंगल कार्यालय परिसर, चव्हाण निकम हॉस्पिटल, मगर हॉस्पिटल परिसर, लक्ष्मीनगर, आर्यमान हॉटेल परिसर.
- लोकसंख्या (६०४५) : अ.जा – ६१५, अ.ज – ७२.
