फलटण नगरपरिषद निवडणूक: प्रारूप प्रभाग रचना जाहीर; अनेक दिग्गजांच्या प्रभागांवर परिणाम

स्थैर्य, फलटण, दि. १८ ऑगस्ट : फलटण नगरपरिषदेच्या आगामी सार्वत्रिक निवडणूक २०२५ करिता प्रारूप प्रभाग रचनेची अधिसूचना आज प्रसिद्ध करण्यात आली असून, यामुळे शहरातील राजकीय वर्तुळात मोठी उलथापालथ होण्याची शक्यता निर्माण झाली आहे. एकूण १३ प्रभागांची ही रचना असून, त्यामध्ये १२ प्रभाग द्विसदस्यीय आणि १ प्रभाग त्रिसदस्यीय असणार आहे. या प्रारूप रचनेवर हरकती व सूचनांसाठी नागरिकांना ३१ ऑगस्टपर्यंतची मुदत देण्यात आली आहे.

नगरपरिषदेचे मुख्याधिकारी तथा प्रशासक निखिल मोरे यांनी ही अधिसूचना जारी केली आहे. या रचनेमुळे अनेक विद्यमान आणि माजी नगरसेवकांच्या पारंपारिक प्रभागांच्या सीमा बदलल्या आहेत, ज्यामुळे अनेकांना सुरक्षित मतदारसंघ शोधण्याची वेळ येणार आहे. प्रारूप प्रभाग रचना नगरपरिषदेच्या सूचना फलकावर आणि अधिकृत वेबसाईटवर पाहण्यासाठी उपलब्ध आहे. नागरिकांना आपल्या हरकती लेखी स्वरूपात नगरपरिषदेच्या कर विभागात ३१ ऑगस्ट रोजी दुपारी ३ वाजेपर्यंत सादर करता येतील.

अशी आहे तपशीलवार प्रभाग रचना:

• प्रभाग क्र. १ (द्विसदस्यीय): सोमवार पेठ संपूर्ण, श्रीराम साखर कारखाना, कृषी उत्पन्न बाजार समिती, पुजारी कॉलनी, यशवंतराव चव्हाण हायस्कूल परिसर, नगर परिषद पाणीपुरवठा केंद्र, फिरंगाई मंदिर, लक्ष्मी मरिमाता मंदिर.
• प्रभाग क्र. २ (द्विसदस्यीय): मंगळवार पेठ परिसर, बस स्थानक समोरील परिसर, पुणे रस्ता परिसर.
• प्रभाग क्र. ३ (द्विसदस्यीय): आखरी रस्ता पूर्व बाजू, नायरा पेट्रोल पंप परिसर, उर्दू शाळा, कुरेशी मस्जिद परिसर, बुरूड गल्ली, खाटिक गल्ली, परिट गल्ली.
• प्रभाग क्र. ४ (द्विसदस्यीय): आखरी रस्ता पश्चिम बाजू, पठाणवाडा, पाचबत्ती चौक, लाटकर तट्टी, शनी मंदिर, हरीहरेश्वर मंदिर, वेलणकर दत्त मंदिर, दगडी पूल परिसर.
• प्रभाग क्र. ५ (द्विसदस्यीय): श्रीमंत मालोजीराजे शेती विद्यालय परिसर, जिंती नाका, गोसावी वस्ती, पुणे रोड परिसर, आईसाहेब मंदिर, हरीबुवा मंदिर, महादेव मंदिर, उंबरेश्वर चौक, स्वामी समर्थ मंदिर, इंदिरानगर वसाहत.
• प्रभाग क्र. ६ (द्विसदस्यीय): संतोषी माता मंदिर परिसर, सगुनामाता नगर, साईबाबा मंदिर, श्रीकृष्ण बेकरी परिसर, जिंती नाका पेट्रोल पंप, हॉटेल महाराजा परिसर, निमकर सीडस, बॅ. राजाभाऊ भोसले घर परिसर.
• प्रभाग क्र. ७ (द्विसदस्यीय): संत बापुदास नगर, हनुमान नगर, सातारा रस्ता दोन्ही बाजू, मुधोजी कॉलेज परिसर, जिनिंग मिल, जुने ग्रामीण पोलीस स्टेशन परिसर, प्रेमलाताई चव्हाण हायस्कूल परिसर.
• प्रभाग क्र. ८ (द्विसदस्यीय): ब्राह्मण गल्ली, शंकर मार्केट परिसर, नगरपरिषद आरोग्य केंद्र, पराडकर प्रेस, नवलबाई मंगल कार्यालय, मारवाड पेठ परिसर, श्रीराम मंदिर, मुधोजी प्राथमिक शाळा, श्रीकृष्ण मंदिर.
• प्रभाग क्र. ९ (द्विसदस्यीय): गजानन चौक परिसर, पवार गल्ली, नगर परिषद परिसर, उमाजी नाईक चौक परिसर, मेटकरी गल्ली, उघडा मारुती मंदिर परिसर, मटन मार्केट, मच्छी मार्केट परिसर, रविवार पेठ तालीम परिसर.
• प्रभाग क्र. १० (द्विसदस्यीय): घडसोली मैदान, शिंगणापूर रस्ता, पृथ्वी चौक (अहिल्यादेवी चौक), शिवाजीनगर, खर्डेकर विद्यालय परिसर, रिंग रोड उत्तर बाजू, सुविधा हॉस्पिटल परिसर, जलमंदिर परिसर.
• प्रभाग क्र. ११ (द्विसदस्यीय): रायगड हॉटेल परिसर, महात्मा फुले शॉपिंग सेंटर परिसर, माळजाई मंदिर परिसर, सिटी प्राईड परिसर, नारळी बाग परिसर, मुधोजी हायस्कूल परिसर, जोशी हॉस्पिटल परिसर, प्रशासकीय इमारत परिसर.
• प्रभाग क्र. १२ (द्विसदस्यीय): स्वामी विवेकानंद नगर, दत्तनगर, आबासाहेब मंदिर मागील बाजू, हणमंतराव पवार हायस्कूल परिसर, कामगार कॉलनी, खजिना हौद मागील परिसर.
• प्रभाग क्र. १३ (त्रिसदस्यीय): पद्मावतीनगर, भडकमकर नगर, पोलीस स्टेशन कॉलनी, संजीवराजे नगर परिसर, इरिगेशन कॉलनी परिसर, हाडको कॉलनी, आनंद नगर, गोळीबार मैदान परिसर, विद्यानगर, लक्ष्मीनगर