मोर्वेत गुरुपोर्णिमेनिमित्त विविध कार्यक्रमांचे आयोजन
दैनिक स्थैर्य । दि. ११ जुलै २०२२ । फलटण । गुरुपौर्णिमा निमित्त श्री क्षेत्र मोर्वे येथे श्री दत्त मंदिर संस्थान यांच्या वतीने तीन दिवसीय विविध धार्मिक कार्यक्रमाचे आयोजन केले आहे. सोमवार दि. ११ जुलै रोजी दत्तप्रभू, चिले महाराज अभिषेक व आरती नंतर गुरुचरित्र, शिवलीला अमृत, चिले महाराज, पारायण प्रारंभ होऊन विना पूजन होणार आहे.
दि. ११ जुलै ते १३ जुलै असा तीन दिवसीय पारायण सोहळ्या बरोबर विविध धार्मिक कार्यक्रम आणि भजनाचे आयोजन दत्त मंदिर संस्थाने केले आहेत. बुधवार दि. १३ जुलैला गुरुपौर्णिमेच्या शुभमुहूर्तावर दत्त प्रभू व चिले महाराज यांना महाभिषेक व आरती नंतर सकाळी अकरा वाजता पारायण सोहळा समाप्त होणार आहे.
दुपारी बारा वाजता दत्तप्रभू व चिले महाराज महाराजांची रथातून मोर्वे गावातून ग्रामप्रदक्षिणा संपन्न होणार आहे. त्यानंतर ओम दत्त चिले ओम भजनी मंडळ यांचा भजनाचा कार्यक्रम होऊन येणाऱ्या भाविकांसाठी महाप्रसादाचे आयोजन केले आहे तरी दत्त मंदिर संस्थान यांच्या वतीने दर्शनाचा व महाप्रसाद लाभ घेण्याचे आवाहन केले आहे.
