पिंपरदजवळ मोटारसायकल अपघातात एक ठार
दैनिक स्थैर्य | दि. १४ ऑगस्ट २०२३ | फलटण |
पिंपरद (ता. फलटण) गावच्या हद्दीत शनिवारी रात्री २ वाजण्याच्या सुमारास फलटण ते पंढरपूर रस्त्यावर ढमाळ वस्तीजवळ झालेल्या मोटारसायकल अपघातात एकजण ठार झाला आहे. या अपघाताची नोंद फलटण ग्रामीण पोलीस ठाण्यात झाली आहे.
महेश तुकाराम पवार (वय २८, रा. इस्लामपूर, ता. माळशिरस, जि. सोलापूर) असे मयताचे नाव आहे.
याबाबत पोलिसांकडून मिळालेली अधिक माहिती अशी, शनिवारी रात्री २.०० वाजण्याच्या सुमारास फलटण ते पंढरपूर रस्त्यावर ढमाळ वस्तीजवळ महेश तुकाराम पवार हा त्याच्या ताब्यातील होंडा (क्र. एमएच ४५ एव्ही ०२८१) मोटारसायकल ही भरधाव वेगात, बेदरकारपणे चालविल्याने त्याच्या मोटरसायकलवरील नियंत्रण सुटून वळणावरील दिशादर्शक फलकावर आदळल्याने तो गंभीर जखमी झाला. त्यानंतर रुग्णालयात नेत असताना त्याचा मृत्यू झाला. या अपघाताची नोंद फलटण ग्रामीण पोलीस ठाण्यात झाली आहे.
अपघाताचा अधिक तपास सहाय्यक पोलीस निरीक्षक हुलगे करत आहेत.
