नागेवाडीतल्या एकाची लॉकडाऊन काळात आलेल्या नैराश्याने गळफास घेऊन आत्महत्या
स्थैर्य, वाई, दि.२९: वाई तालुक्यातील नागेवाडी येथे मुकींद राम बनसोडे(वय 50) यांना लॉक डाऊन च्या काळात घरात एकटे राहील्याने नैराश्य आल्याने गळफास लावून घेऊन आत्महत्या केल्याची घटना दि.27रोजी घडली.नागेवाडी परिसरात खळबळ उडाली असून या घटनेची नोंद वाई पोलीस ठाण्यात झाली आहे.
वाई पोलिसांनी दिलेली माहिती अशी की, शांताराम बनसोडे यांनी दिलेल्या फिर्यादीवरून त्यांचा भाऊ मुकींद हा नागेवाडी येथे रहात होता.त्याच्या पत्नीचे दोन वर्षांपूर्वी आजारपण आल्याने निधन झाले.त्यामुळे एकटाच मोलमजुरी करून रहात होता.लॉकडाऊनच्या काळात आणखी एकटेपणा जाणवत असल्याने मानसिक तणाव निर्माण झाला असल्याचे जाणवले.गेल्या सहा महिन्यांपूर्वी कुठेतरी निघून गेला होता.दोन दिवसांपूर्वी गावातून फोन आला की घरात गळफास घेऊन मुकींद याने आत्महत्या केली आहे.त्यावरून जाऊन पाहिले असता नॉयलॉनच्या दोरीने गळफास घेऊन आत्महत्या केल्याचे निदर्शनास आले.लॉक डाऊन च्या काळात डोक्यावर परिणाम झाल्याने आत्महत्या केल्याची नोंद वाई पोलिसात असून याचा तपास वाई पोलीस ठाण्याचे पोलीस निरीक्षक आनंदराव खोबरे यांच्या मार्गदर्शनाखाली पोलीस नाईक एस एस जाधव करत आहेत.
