निंबळक येथे एकावर कुर्‍हाडीने वार; तिघांवर गुन्हा
दैनिक स्थैर्य | दि. २९ ऑगस्ट २०२४ | फलटण |
निंबळक (ता. फलटण) येथील गजानन रामचंद्र चव्हाण (वय ६५, रा. निंबळक, ता. फलटण, सध्या रा. लक्ष्मीनगर, फलटण, ता. फलटण) यांना भाऊ व दोन पुतण्यांनी घरासमोरील गवत काढण्यावरून कुर्‍हाडीने, काठीने मारहाण करून जखमी केल्याची घटना घडली आहे. याबाबतची फिर्याद गजानन चव्हाण यांनी फलटण ग्रामीण पोलीस ठाण्यात दिली असून ही घटना २७ ऑगस्ट रोजी दुपारी १ वाजता घडली.
या मारहाण प्रकरणी पोलिसांनी फिर्यादीचे पुतणे नितीन प्रकाश चव्हाण, हेमंत प्रकाश चव्हाण व भाऊ प्रकाश रामचंद्र चव्हाण (सर्व रा. निंबळक, ता. फलटण) यांच्यावर गुन्हा दाखल केला आहे.
या घटनेचा तपास फलटण ग्रामीण पोलीस करत आहेत.
