श्रीमंत रामराजेंच्या अमृतमहोत्सव सोहळ्याच्या निमित्ताने ना. अजितदादा पवार आज फलटणमध्ये; सोहळ्यास दिगज्जांची उपस्थिती

दैनिक स्थैर्य | दि. 9 मे 2023 | फलटण | विधान परिषदेचे माजी सभापती तथा विद्यमान आमदार श्रीमंत रामराजे नाईक निंबाळकर यांच्या ७५ व्या अमृत महोत्सवी वाढदिवसानिमित्त आज मंगळवार, दि. ९ मे २०२३ रोजी सायंकाळी ५.०० वाजता विरोधी पक्षनेते ना. अजितदादा पवार यांच्या शुभहस्ते अभिष्टचिंतन सोहळ्याचे आयोजन करण्यात आले आहे. हा कार्यक्रम फलटणच्या मुधोजी क्लब मैदानावर संपन्न होणार आहे. या सोहळ्यामध्ये ना. अजितदादा पवार यांच्यासोबत अनेक दिगज्जांची उपस्थिती राहणार आहे.

सातारचे पालकमंत्री ना. शंभूराज देसाई यांची विशेष उपस्थिती असणार आहे. तर या सोहळ्याचे अध्यक्षस्थान राष्ट्रवादी काँग्रेस पार्टीचे प्रदेशाध्यक्ष आमदार जयंतराव पाटील भूषविणार आहेत. तसेच यावेळी खासदार श्रीनिवास पाटील, माजी सार्वजनिक बांधकाम मंत्री विक्रमसिंह पाटणकर, आमदार श्रीमंत छत्रपती शिवेंद्रसिंहराजे भोसले, आमदार बाळासाहेब पाटील, आमदार मकरंद पाटील, आमदार शशिकांत शिंदे, माजी आमदार प्रभाकर घार्गे, निवृत्त सनदी अधिकारी प्रभाकर देशमुख यांची प्रमुख उपस्थिती असणार आहे.

आज मंगळवार, ९ मे रोजीच दुपारी ४.०० वाजता मुधोजी क्लब मैदानावर ग्रंथतुला व कृष्णेचे पाणी तुला कार्यक्रम संपन्न होईल. त्यांनतर सायंकाळी ५.०० वाजता मुधोजी क्लब मैदानावर अभिष्टचिंतन सोहळ्याच्या निमित्ताने सत्कार समारंभाचे आयोजन करण्यात आले आहे.