“उद्याच्या उज्ज्वल भविष्यासाठी” या विषयावर तात्यासाहेब मोरे यांचे फलटणमध्ये व्याख्यान

दैनिक स्थैर्य | दि. 19 डिसेंबर 2023 | फलटण | मॅग आणि माऊली फाउंडेशन तर्फे संचलित जनसेवा वाचनालयातर्फे शनिवार दि. 23 डिसेंबर रोजी फलटण येथील महाराजा मंगल कार्यालयामध्ये सकाळी 10 वाजता व्याख्यानमाला आयोजित केली आहे. कोल्हापूर येथील सुप्रसिद्ध प्रभावी वक्ते तात्यासाहेब मोरे यांचे “उद्याच्या उज्ज्वल भविष्यासाठी” या विषयावर व्याख्यान होणार आहे.

या कार्यक्रमा बरोबर नुकत्याच झालेल्या वक्तृव आणि निबंध स्पर्धेच्या पारितोषिक वितरण समारंभ होणार आहे. वक्तृत्व व निबंध स्पर्धा 01 ते 03 डिसेंबर दरम्यान आयोजित करण्यात आलेल्या होत्या. या स्पर्धांना सर्व इयत्ता गटातील विद्यार्थ्यांनी उत्स्फूर्त सहभाग दाखवला. या स्पर्धेसाठी सुमारे 300 हून अधिक विद्यार्थ्यांनी भाग घेतला. तरी या कार्यक्रमास सर्वानी आवर्जून उपस्थित राहावे आणि व्याख्यानाचा आस्वाद घ्यावा; असे मॅग आणि माऊली फाउंडेशन तर्फे करण्यात आले आहे.