कराडमध्ये 5 व 6 मार्च रोजी कबड्डी स्पर्धा; लिबर्टी मजदूर मंडळाले केल्या स्पर्धा आयोजित
दैनिक स्थैर्य । दि. ०२ मार्च २०२२ । कराड । लिबर्टी मजदूर मंडळाने ७० किलो खालील भव्य कबड्डी स्पर्धा आयोजित केल्या आहेत. सातारा जिल्हा कबड्डी असो. व महाराष्ट्र राज्य कबड्डी असोसिएशनचे मान्यतेने दि. ५ व ६ मार्च २०२२ रोजी कराडमध्ये लिबर्टी मजदूर मंडळाच्या क्रीडांगणावर स्पर्धा होणार आहेत. अशी माहिती लिबर्टी मजदूर मंडळाचे अध्यक्ष सुभाषकाका पाटील यांनी दिली.
विजेत्या स्पर्धक संघांना अनुक्रमे बक्षीसे देण्यात येणार आहेत. प्रथम क्रमांक रु.५१,००१ व चषक (स्वर्गीय रामभाऊ रेपाळ यांचे स्मरणार्थ), व्दितीय क्रमांक रु. ३१,००१ व चषक (स्वर्गीय उस्मानभाई बागवान यांचे स्मरणार्थ), तृतीय क्रमांक :- रु. २१,००१ व चषक (स्वर्गीय ज्ञानदेव जाधव यांचे स्मरणार्थ), चतुर्थ क्रमांक :- रु. ११,००१ व चषक (स्वर्गीय वसंतराव सोनवले यांचे स्मरणार्थ), वैयक्तिक बक्षीसे :उत्कृष्ट खेळाडू. रुपये २५०० व चषक (स्वर्गीय जयवंतराव जाधव यांचे स्मरणार्थ), उत्कृष्ट चढाईपटू – रुपये २००० व चषक (स्वर्गीय धोंडीराम भोसले यांचे स्मरणार्थ), उत्कृष्ट पक्कड-रुपये २००० व चषक (स्वर्गीय मुनीर मोमीन यांचे स्मरणार्थ), उत्कृष्ट शिस्तबध्द व आदर्श संघ रुपये ३००० व चषक (स्वर्गीय भिमराव जाधव यांचे स्मरणार्थ), उत्तेजनार्थ: स्पर्धेत जे संघ उपउपांत्य फेरीत प्रवेश करतील त्यापैकी बक्षीसाचे मानकरी सोडून इतर चार संघाना प्रत्येकी १५०० रुपयांचे उत्तेजनार्थ बक्षीस देण्यात येणार असल्याची माहिती सुभाषकाका पाटील यांनी दिली.
राज्यातील सहभागी होणाऱ्या कबड्डी संघानी भास्कर पाटील (७२१८६७५३९९ २), दादासाहेब पाटील (९९२३३३९२०७), राजेंद्र जाधव (९४२३२६३९४० ४), सुरेश थोरात (८६९८४६००८६) संपर्क साधावा. प्रवेश फी १००० रुपये असुन ती स्पर्धेपूर्वी गुगल पे व्दारे भरावी लागणार आहे. संघाचा प्रवेश निश्चित करुन सहकार्य करावे. असे आवाहन करण्यात आले आहे. ३ मार्च २०२२ अखेर गुगल पे व्दारे संघ नोंदणीसाठी अर्जुन पवार (९९२२२९६९३९ २), जितेंद्र जाधव (९८२३३४२४४४) यांच्याशी संपर्क साधावा. सदर स्पर्धेचे खास आकर्षण आंतरराष्ट्रीय व प्रो-कबड्डी खेळाडू गिरीश इरनाक हे उपस्थित राहणार आहेत.
