फलटण शहरात वारकऱ्यांच्या सेवेच्या विविध उपक्रमांचे ॲड. सौ. जिजामाला यांच्याहस्ते शुभारंभ
दैनिक स्थैर्य | दि. 29 जून 2025 | फलटण | श्री संत ज्ञानेश्वर महाराजांचा पालखी सोहळा आळंदीहून पंढरपूरकडे मार्गस्थ होत असताना फलटण येथे मुक्कामी असतो. या कालावधीमध्ये फलटण शहरासह तालुका हा भक्तिमय वातावरणामध्ये रंगून जातो. शेकडो किलोमीटर पायी चालणाऱ्या वारकऱ्यांची सेवा करण्याची संधी फलटणकरांना मिळते हीच मोठी भाग्याची गोष्ट असल्याचे मत जिल्हा नियोजन समितीच्या सदस्या ॲड. सौ. जिजामाला रणजितसिंह नाईक निंबाळकर यांनी व्यक्त केले आहे.
फलटण शहरामध्ये वारकऱ्यांच्या सोयीसुविधीसाठी विविध ठिकाणी मोफत आरोग्य तपासणी शिबिर, मोफत भोजन, अल्पोपहार व शिधा वाटपाच्या शुभारंभ प्रसंगी ॲड. सौ. जिजामाला बोलत होत्या. यावेळी आमदार सचिन पाटील, स्वराज पतसंस्थेचे चेअरमन अभिजीत नाईक निंबाळकर, फलटण नगर परिषदेचे माजी नगराध्यक्ष दिलीपसिंह भोसले, माजी नगरसेवक अशोकराव जाधव, भाजपा जिल्हा उपाध्यक्ष संदीप चोरमले, अमोल सस्ते, राष्ट्रवादीच्या महिला तालुकाध्यक्ष सौ. प्रतिभा चेतन शिंदे, सद्गुरू पतसंस्थेचे चेअरमन तेजसिंह भोसले, भाजपाचे तालुकाध्यक्ष बापूराव शिंदे, युवा नेते अमित भोईटे यांच्यासह विविध मान्यवरांची मोठ्या संख्येने उपस्थित होती.
यावेळी वारकरी खेळांचा आनंद सुद्धा जिल्हा नियोजन समितीच्या सदस्या ॲड. सौ. जिजामाला रणजितसिंह नाईक निंबाळकर यांनी लुटला.
