जैन सोशल ग्रुपचा ‘फेडरेशन डे’ उत्साहात संपन्न
दैनिक स्थैर्य | दि. २३ ऑगस्ट २०२३ | फलटण |
सामाजिक क्षेत्रात आघाडीवर असलेल्या जैन सोशल ग्रुप इंटरनॅशनल फेडरेशनचा ४४ वा स्थापना दिवस नुकताच फलटण जैन सोशल ग्रुपकडून साजरा करण्यात आला.
‘फेडरेशन डे’निमित्त जैन सोशल ग्रुपच्या ध्वजाचे ध्वजारोहण व्यापारी महासंघाचे अध्यक्ष मंगेशभई दोशी व जैन सोशलचे माजी अध्यक्ष डॉ. सूर्यकांत दोशी यांच्या हस्ते करण्यात आले. तसेच कोळकी येथे डॉ. मिलिंद दोशी यांच्या सौजन्याने तयार केलेल्याा स्वागत बोर्डाचे अनावरण मान्यवरांच्या हस्ते करण्यात आले.
यावेळी जैन सोशल ग्रुपच्या अध्यक्षा सविता दोशी, सचिव प्रीतम शहा, खजिनदार समीर शहा, उपाध्यक्ष श्रीपाल जैन, संगिनी फोरम अध्यक्षां अपर्णा जैन, सचिव प्रज्ञा दोशी, युवा फोरम अध्यक्ष तेजस शहा, माजी अध्यक्ष डॉ. सिध्दांत दोशी, सिध्देश शहा, जैन सोशल ग्रुपचे सर्व संचालक, तिन्ही संघटनांचे बहुसंख्य सदस्य उपस्थित होते.
यावेळी मंगेश दोशी, डॉ. सूर्यकांत दोशी यांनी सर्वांना ‘फेडरेशन डे’निमित्त शुभेच्छा दिल्या. फेडरेशन विकमध्ये विविध सामाजिक उपक्रम राबवणार असल्याचे अध्यक्षां सविता दोशी यांनी सांगितले. कार्यक्रमाचे सूत्रसंचालन श्रीपाल जैन यांनी केले, तर आभार प्रदर्शन सचिव प्रीतम शहा यांनी केले.
