इझमायट्रिप नुताना एव्हिएशनचे संपादन करणार

दैनिक स्थैर्य । दि. १५ डिसेंबर २०२२ । मुंबई । इझमायट्रिप या भारतातील सर्वात मोठ्या ऑनलाइन ट्रॅव्हल टेक व्यासपीठाने आज घोषणा केली की, ते गुजरातच्या जीआयएफटी शहरातील नुताना एव्हिएशनमध्ये गुंतवणूक करण्यासोबत त्याचे संपादन करेल. संपादन कंपनी भारतातील आणि परदेशातील ग्राहकांना चार्टर सोल्यूशन्स ऑफर करण्याच्या व्यवसायात आहे. नुताना एव्हिएशन चार्टर विमान भाडेतत्त्वावर देते, जे ऑपरेटर्सना सक्षमपणे चालवण्यास सक्षम करते आणि भारतातील व भारताबाहेरील ग्राहकांना चार्टर बुकिंग सेवा देते.

या संपादनासह इझमायट्रिप नवीन विभाग सुरू करेल, जो त्‍यांच्या विकासाला ‘जलदपणे गती’ देईल. हे संपादन धोरणात्मक निर्णय आहे, जो सर्वसमावेशक ट्रॅव्हल इकोसिस्टिम विकसित करण्याच्या त्यांच्या सातत्यपूर्ण विविध योजनांशी संलग्न आहे. या संपादनाच्या माध्यमातून कंपनीने अपवादात्मकरित्या विकास करत नफा मिळवण्यावर लक्ष केंद्रित केले आहे. यामधून कंपनी आंतरराष्ट्रीय बाजारपेठांमध्ये आपली उपस्थिती वाढवण्यासोबत तेथील गरजांची पूर्तता करण्याची खात्री मिळेल. या व्यवहारांतर्गत इझमायट्रिपचा नुताना एव्हिएशनमध्ये मोठा वाटा असेल. इझमायट्रिपने गुंतवणूक केल्यानंतर नुताना एव्हिएशन स्वतंत्र कंपनी म्हणून चालवली जाण्यासोबत कार्यरत राहिल.

इझमायट्रिपचे मुख्य कार्यकारी अधिकारी व सह-संस्थापक श्री. निशांत पिट्टी म्हणाले, “संपादन पक्ष म्हणून इझमायट्रिप नेहमी भविष्यात अनुकरणीय ऑपरेशन मॉडेल स्थापित करण्याची क्षमता असलेल्या कंपन्यांमधील स्टेक खरेदी करण्याचा प्रयत्न करते. नुताना एव्हिएशन आपल्या सेवांच्या माध्यमातून अतिशय नवीन कल्पना अमलात आणते. नजीकच्या भविष्यात विमान चार्टर्ससाठी भारताच्या सतत वाढत्या मागणीसह आम्हाला नुताना एक विश्वासार्ह, प्रबळ आणि फायदेशीर चॅनल आकार घेईल, अशी आशा आहे. इझमायट्रिप ब्रॅण्डचा भाग म्हणून नुताना एव्हिएशनसाठी भविष्यात काय आहे हे जाणून घेण्यासाठी आम्ही अत्यंत उत्सुक आहोत.”