‘दिलखुलास’ कार्यक्रमात प्रियंवदा म्हाडदळकर यांची मुलाखत

दैनिक स्थैर्य । दि. २३ जून २०२२ । मुंबई । माहिती व जनसंपर्क महासंचालनालय निर्मित ‘दिलखुलास’ या कार्यक्रमात केंद्रीय लोकसेवा आयोगाच्या नागरी सेवा परीक्षेत राज्याच्या गुणवत्ता यादीत प्रथम आलेल्या प्रियंवदा म्हाडदळकर यांची विशेष मुलाखत प्रसारित होणार आहे. ही मुलाखत राज्यातील आकाशवाणीच्या सर्व केंद्रांवरून व ‘न्यूज ऑन एआयआर’ या मोबाईल ॲपवर गुरूवार दि. 23 जून व शुक्रवार दिनांक 24 जून 2022 रोजी सकाळी 7.25 ते 7.40 या वेळेत प्रसारित होईल. वरिष्ठ सहाय्यक संचालक देवेंद्र पाटील यांनी ही मुलाखत घेतली आहे.

केंद्रीय लोकसेवा आयोगाच्या नागरी सेवा परीक्षेत यशस्वी होणाऱ्यांत मुलींचे प्रमाण लक्षणीय वाढले आहे. विशेषतः गुणांच्या यादीत मुलींचा क्रमांक वरचा लागत आहे. सामाजिक सुधारणांची परंपरा लाभलेल्या महाराष्ट्रातून पहिली येण्याचा मानही एका मुलीला मिळाला असून प्रियंवदा म्हाडदळकर यांनी परीक्षेची तयारी कशी केली याविषयीची सविस्तर माहिती त्यांनी ‘दिलखुलास’ या कार्यक्रमातून दिली आहे.