इंग्रजी बहिःस्थ परीक्षेत गायत्री अनिल वेलणकर राज्यात प्रथम
दैनिक स्थैर्य | दि. 15 डिसेंबर 2023 | फलटण | भारती विद्यापीठातर्फे सप्टेंबर २०२३ मध्ये घेण्यात आलेल्या इंग्रजी बहिःस्थ परीक्षेत फलटण एज्युकेशन सोसायटीच्या मुधोजी हायस्कूल व ज्युनिअर कॉलेजची विद्यार्थिनी गायत्री अनिल वेलणकर हिने (इयत्ता ७ वी) इंग्रजी एन्ट्रन्स् परीक्षेत राज्यात प्रथम क्रमांक मिळविला आहे.
गायत्री वेलणकरला प्राचार्य बाबासाहेब गंगवणे, पर्यवेक्षक व्ही. जे. शिंदे व सागर भोईटे, अमोल सपाटे, सचिन धुमाळ, सौ. सोहनी सस्ते, कु. सुषमा घोरपडे, कु. संगिता कदम, शुभदा अगवणे या शिक्षकांचे तिला बहुमोल मार्गदर्शन लाभले आहे.
कु. गायत्री अनिल वेलणकर हिचे अभिनंदन श्रीमंत रामराजे नाईक निंबाळकर, आमदार दीपक चव्हाण, श्रीमंत रघुनाथराजे नाईक निंबाळकर, श्रीमंत संजीवराजे नाईक निंबाळकर यांच्यासह सामाजिक, शैक्षणिक व इतर क्षेत्रातील मान्यवरांनी केले.
