कराड व मलकापूरमधील विविध विकासकामांसाठी पाच कोटींचा निधी मंजूर

स्थैर्य, सातारा, दि.25 ऑक्टोबर : भाजपचे जिल्हाध्यक्ष आमदार डॉ. अतुल भोसले यांनी महायुती सरकारच्या माध्यमातून कराड व मलकापूर शहरवासीयांसाठी दिवाळीची अनोखी विकासभेट दिली. डॉ. भोसले यांच्या विशेष प्रयत्नाने कराड व मलकापूरमधील विविध विकासकामांसाठी पाच कोटींचा निधी मंजूर झाला.
कराड व मलकापूर शहराच्या सर्वांगीण विकासासाठी आमदार डॉ. भोसले सातत्याने प्रयत्नशील राहिले आहेत. महायुती सरकारच्या माध्यमातून त्यांनी वेळोवेळी या दोन्ही शहरांत अनेक नावीन्यपूर्ण उपक्रम राबविण्यासाठी यापूर्वीही भरघोस निधी उपलब्ध करून दिला आहे. यात पाच कोटींच्या निधीची भर पडली. आमदार डॉ. भोसले यांनी केलेल्या सातत्यपूर्ण पाठपुराव्यामुळे ’नागरी स्थानिक स्वराज्य संस्थांच्या परिक्षेत्रात अधिसूचित विशिष्ट नागरी सेवा व सुविधा पुरवणे योजनेतंर्गत’ हा निधी मंजूर झाला.
यातून कराड येथे शनिवार पेठ स्वराज कॉलनीत चौधरी बंधू स्वीट ते मोटे हॉस्पिटल ते शहा घरापर्यंत बंदिस्त पाइप गटर व रस्ता काँक्रिटीकरणासाठी 40लाख, अंडी चौक ते आझाद चौक रस्ता काँक्रिटीकरण व गटारासाठी 30 लाख, डुबल विठ्ठल चौक डांबरीकरणासाठी 30 लाख, मुजावर कॉलनीतील अजीम मोमीन घर ते अकबर मोमीन घर रस्ता खडीकरण व डांबरीकरणासाठी 30 लाखांचा निधीतून ही कामे केली जातील.
डॉ. अतुल भोसले गल्ली रंगारवेश मलकापूर येथील खंडोबानगर साई शिक्षक कॉलनी रस्ता काँक्रिटीकरण व गटारासाठी 30 लाख, आगाशिवनगर त्रिमूर्ती कॉलनी येथे रस्ता काँक्रिटीकरण व गटारासाठी 30 लाख, आगाशिवनगर येथे इंद्रप्रस्थ कॉलनी एमडीआर 55- माने घर ते गीतांजली क्लासेस रस्ता काँक्रिटीकरणासाठी 20 लाख, हायवे शिवाई पतसंस्था ते भोसले फॅब्रिकेशनपर्यंत रस्ता काँक्रिटीकरण व गटारासाठी 60 लाख, बिरोबा मंदिरामागील अंतर्गत रस्ता काँक्रिटीकरणासाठी 25 लाख, बनपुरीकर कॉलनी येथे जोशी घर ते पाटील घर रस्ता डांबरीकरणासाठी 35 लाख, पाटील कॉलनी गोकाकमागील रस्ता डांबरीकरणासाठी 20 लाख, विश्रामनगर अंतर्गत रस्ता काँक्रिटीकरणासाठी 20 लाख, मलकापूर गावठाणातील शंकर थोरात घरापासून ते शंकर पवार व बागल घरापर्यंतचा रस्ता डांबरीकरणासाठी 20 लाख, प्रभाग सातमधील राजू भोपते ते मनीषा कांबळे घरापर्यंतच्या गटार आरसीसीसाठी 20 लाख, प्रभाग एकमधील वसंतराव संकपाळ ते मगदूम घरापर्यंत काँक्रिट गटारासाठी 20 लाख, मळाईदेवी पतसंस्था ते बने डॉक्टर घरापर्यंत रस्ता काँक्रिटीकरणासाठी 20 लाख, दत्तनगर आवन बंगला ते बैलबाजारपर्यंत रस्ता काँक्रिटीकरणासाठी 50 लाखांची विकासकामे केली जातील.
व या निधीमुळे कराड मलकापूरमधील अनेक काळापासून प्रलंबित रस्ते व गटारांची कामे मार्गी लागणार आनंदाचे वातावरण आहे. या निधी मंजुरीबद्दल शहवासीयांकडून मुख्यमंत्री देवेंद्र फडणवीस, उपमुख्यमंत्री तथा नगरविकास मंत्री एकनाथ शिंदे, उपमुख्यमंत्री अजित पवार, आमदार डॉ. भोसले यांच्यासह महायुती सरकारचे आभार मानले जात आहे