काश्मीरमध्ये चार दहशतवाद्याचा खात्मा

स्थैर्य, श्रीनगर, दि. 21 : दक्षिण काश्मीरमध्ये सुरक्षा दलाचे जवान आणि दहशतवाद्यांमध्ये झालेल्या चकमकीत एकूण ४ दहशतवाद्यांना ठार करण्यात सुरक्षा दलाला यश आहे आहे. या वेळी सर्वप्रथम सुरक्षा दलाने शोपियान जिल्ह्यात एका दहशतवाद्याला ठार केले. या नंतर श्रीनगरच्या जादिबलमध्ये शोध मोहिमेदरम्यान झालेल्या चकमकीत सुरक्षा दलाच्या जवानांनी तीन दहशतवाद्यांना टिपले.

या पूर्वी काश्मीरमधील शोपियान जिल्ह्यात लष्कराच्या लकीरपूर परिसरात लष्कराच्या जवानांनी एका दहशतवाद्याला ठार केले होते. या दहशतवाद्याकडून एके-४७ रायफलीसह इतर अनेक हत्यारे लष्कराच्या हाती लागली.

तर, दुसरीकडे श्रीनगरमध्ये सुरक्षा दलाने जम्मू आणि काश्मीर पोलिसांसोबत संयुक्त अभियान राबवत ३ दहशतवाद्यांना ठार केले. ठार करण्यात आलेले हे तीन दहशतवादी रमजानच्या काळात २० मे या दिवशी श्रीनगरमधील पांडव चौकाजळ दोन बीएसएफच्या झालेल्या जवानांच्या हत्येत सहभागी होते.

जम्मू-काश्मीरमधील श्रीनगर येथे स्थानिक पोलिस आणि सुरक्षा दलाने दहशतवाद्यांना शोधण्यासाठी हाती घेतलेल्या शोधमोहिमेअंतर्गत छापेमारी केली. हे संयुक्त अभियान श्रीनगरच्या जादिबल परिसरात राबवण्यात आले. येथे दहशतवादी लपले असल्याच माहिती मिळाल्यानंतर पोलिस आणि सुरक्षादलाच्या जवानांनी या परिसराला घेरले. या बरोबरच त्यांनी या भागातून जाणाऱ्या प्रत्येक वाहनाची कसून तपासणी केली. या व्यतिरिक्त आसपास राहणाऱ्या लोकांच्या वस्त्य्यांमध्ये देखील या मोहिमेअंतर्गत दहशतवाद्यांचा शोध घेतला गेला. याच परिसरात २ ते ३ दहशतवादी लपले असल्याची माहिती सुरक्षा दलाच्या हाती लागली होती. आपल्याला घेरल्याची खात्री या दहशतवाद्यांना झाल्यानंतर या दहशतवाद्यांनी सुरक्षा दलाच्या जवानांच्या दिशेने गोळीबार करण्यास सुरुवात केली. त्यानंतर चकमक सुरू झाली. मिळालेल्या ताज्या माहितीनुसार, लष्कराने या चकमकीदरम्यान तीन दहशतवाद्यांना ठार केले. त्यानंतर ही संयुक्त शोधमोहीम समाप्त झाली.