रविना टंडनच्या नावाने फेक ट्विटर अकाऊंट; एफआयआर दाखल


 

स्थैर्य, मुंबई, दि.१ : अभिनेत्री रविना टंडन हिच्या
नावाने ट्विटरवर फेक अकाऊंट सुरु असल्याचं समोर आलं आहे. याप्रकरणी
अज्ञाताविरोधात एफआयआर दाखल करण्यात आला आहे. रविनाच्या नावाने सुरु
असलेल्या या फेक अकाऊंटवरुन मुंबई पोलिसांना बदनामी करण्यात येत असल्याचं
दिसून येत आहे.

समाजात घडणा-या प्रत्येक घटनेवर उघडपणे
व्यक्त होणा-या रविनाच्या नावाने सुरु असलेल्या या फेक अकाऊंटवरुन मुंबई
पोलीस आणि पोलीस आयुक्त परमबीर सिंग यांच्याविषयी आक्षेपार्ह वक्तव्य
करण्यात आल्याचं दिसून येत आहे. सोबतच मराठी भाषा आणि मराठी भाषिक
व्यक्तींवरदेखील टीका करण्यात आल्याचं सांगण्यात येत आहे.

दरम्यान, सध्या या प्रकरणी तपास सुरु
असल्याचं सांगण्यात येत आहे. यापूर्वीदेखील अनेक सेलिब्रिटींच्या नावाने
फेक अकाऊंट तयार करण्यात आल्याचं समोर आलं आहे. यात अलिकडेच अभिनेता सोनू
सूदच्या नावाने फेसबुक, ट्विटरवर फेक अकाऊंट तयार करुन नागरिकांकडून पैसे
उकळ्याचा प्रकार समोर आला होता.


प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत

Back to top button
Don`t copy text!