फलटणच्या डॉ. प्रज्ञा आगवणे यांची मोठी भरारी; राष्ट्रीय पातळीवरील आयसीएमआर स्कॉलरशिपसह एम.डी. पॅथॉलॉजीमध्ये प्रवेश

फलटण येथील डॉ. प्रज्ञा आगवणे यांना वैद्यकीय क्षेत्रातील प्रतिष्ठित आयसीएमआर स्कॉलरशिप मिळाली असून त्यांचा एम.डी. पॅथॉलॉजीमध्ये प्रवेश निश्चित झाला आहे.

स्थैर्य, फलटण, दि. २८ सप्टेंबर : येथील तुलसी अ‍ॅक्सिडेंट व जनरल हॉस्पिटलचे अस्थिरोगतज्ज्ञ डॉ. प्रविण आगवणे आणि त्वचारोगतज्ज्ञ डॉ. दीपा आगवणे यांची कन्या डॉ. प्रज्ञा आगवणे यांना राष्ट्रीय पातळीवरील प्रतिष्ठित ‘आयसीएमआर’ स्कॉलरशिप मिळाली आहे. तसेच, त्यांनी नवी मुंबईतील महात्मा गांधी मेडिकल मिशन्स मेडिकल कॉलेजमध्ये एम.डी. पॅथॉलॉजी या पदव्युत्तर अभ्यासक्रमासाठी गुणवत्तेवर प्रवेश मिळवला आहे.

वैद्यकीय क्षेत्रातील प्रतिष्ठित स्कॉलरशिप

डॉ. प्रज्ञा आगवणे यांनी महाराष्ट्र आरोग्य विज्ञान विद्यापीठातून डिस्टिंक्शनसह एम.बी.बी.एस. पूर्ण केले आहे. भारत सरकारच्या आरोग्य संशोधन विभाग आणि इंडियन कौन्सिल ऑफ मेडिकल रिसर्च (ICMR) या संस्थेने त्यांच्या शोध प्रबंधास राष्ट्रीय पातळीवरील स्कॉलरशिप मंजूर केली आहे. ही स्कॉलरशिप भविष्यातील संशोधनासाठी अत्यंत महत्त्वपूर्ण मानली जाते.

वैद्यकीय सेवेचा वारसा पुढे

आगवणे दाम्पत्य गेली २८ वर्षे फलटण परिसरात वैद्यकीय सेवा देत आहे. त्यांचा हा रुग्णसेवेचा वारसा त्यांची मुले पुढे चालवत आहेत. डॉ. प्रज्ञा यांचा भाऊ हर्षवर्धन आगवणे हा देखील एम.बी.बी.एस.च्या चौथ्या वर्षात शिक्षण घेत आहे. डॉ. प्रज्ञा यांना कामोठे येथील मेडिकल कॉलेजच्या पॅथॉलॉजी विभागप्रमुख डॉ. शिल्पी साहू आणि इतर प्राध्यापकांचे मार्गदर्शन लाभले.

मान्यवरांकडून कौतुकाचा वर्षाव

या उल्लेखनीय यशाबद्दल माजी खासदार रणजितसिंह नाईक निंबाळकर, जिजामाला नाईक निंबाळकर, आमदार सचिन पाटील, नगराध्यक्ष समशेरबहाद्दर नाईक निंबाळकर, मनीषा नाईक निंबाळकर आणि अभिजित नाईक निंबाळकर यांनी डॉ. प्रज्ञा यांचे अभिनंदन करत पुढील वाटचालीसाठी शुभेच्छा दिल्या.