सासकल येथे डॉ. आंबेडकर यांची जयंती उत्साहात साजरी
दैनिक स्थैर्य । 15 एप्रिल 2025। सासकल । सासकल, ता. फलटण येथे ग्रामपंचायतीच्यावतीने डॉ. बाबासाहेब आंबेडकर यांची 134 वी जयंती उत्साहात साजरी करण्यात आली. यावेळी सरपंच उषा राजेंद्र फुले यांच्या हस्ते डॉ.बाबासाहेब आंबेडकर यांच्या प्रतिमेचे पूजन करण्यात आले.
यावेळी जन आंदोलन समितीचे सोमीनाथ घोरपडे यांनी आधुनिक भारताच्या निर्मितीमध्ये डॉ. बाबासाहेब आंबेडकरांचे असणारे अतुल्य योगदान, कामगारांच्या विषयी व्हाईसरॉयच्या मंत्रिमंडळात असताना केलेले कार्य, रिझर्व बँकेच्या स्थापनेमध्ये असणारे योगदान, शेतीसह नद्या जोड प्रकल्पावर केलेले काम, राज्यघटनेच्या निर्मितीमध्ये त्यांचे असणारे योगदान याविषयी मनोगत व्यक्त केले. नवनिर्वाचित ग्रामसेवक अशोक सापते यांनी डॉ. आंबेडकरांच्या जीवन कार्याविषयी विचार व्यक्त केले.
कार्यक्रमास माजी उपसरपंच राजेंद्र घोरपडे, ग्रामपंचायत सदस्य हणमंत मुळीक, सामाजिक कार्यकर्ते मंगेश मदने, सुरेश मुळीक,सोमीनाथ घोरपडे, प्रकाश गोरे, राजेंद्र फुले, ग्रामपंचायत कर्मचारी किसन पवार यांनी डॉ.बाबासाहेब आंबेडकर यांच्या प्रतिमेला पुष्प अर्पण करून अभिवादन केले. बुद्ध विहारांमध्ये माणिकराव घोरपडे यांच्या नेतृत्वाखाली तरुण-तरुणींनी बुद्ध वंदना करून महामानवाला अभिवादन केले.
