![](https://i0.wp.com/sthairya.com/wp-content/uploads/2020/11/navneetkaur122ss.jpg?resize=450%2C470&ssl=1)
स्थैर्य, अमरावती, दि.४: शेतक-यांना पूर आणि
अतिवृष्टीचा फटका बसला आहे. राज्य सरकारने शेतक-यांसाठी १० हजार कोटी
रुपयांची मदत जाहीर केली आहे. ही मदत शेतक-यांना तातडीने वितरीत करण्याचं
देखील मुख्यमंत्र्यांनी जाहीर केलंय. मात्र ही मदत शेतक-यांसाठी तोकडी असून
काही शेतक-यांच्या शेतात अद्याप पंचनामे झाले नसल्याचं खासदार नवनीत राणा
यांनी म्हटलं आहे.
नवनीत राणा यांनी ठाकरे सरकारवर टीका करत
जिल्हाधिकारी कार्यालयावर मोर्चा काढला होता. तसेच शेतक-यांना हेक्टरी ५०
हजारांची मदत देण्याची घोषणा देखील केली होती. राणा म्हणाल्या की,
‘अतिवृष्टीमुळे शेतक-यांचे नगदी पीक झ्र सोयाबीनचे पूर्ण हातातून गेले.
यानंतर कपाशीवर मोठ्याप्रमाणात बोंड अळी व लाल्या आला आहे. कपाशीचे
पीकसुद्धा वाया गेले आहे. यामुळे राज्य सरकारने शेतक-यांना सरसकट मदत जाहीर
करावी. दिवाळीपूर्वी शेतक-यांच्या खात्यामध्ये हेक्टरी ५० हजार रुपये जमा
करावी. अन्यथा मातोश्रीवर दिवाळी साजरी होऊ देणार नाही.