खासदार रणजितसिंह यांच्यामार्फत शहरात दिवाळी कीटचे वाटप
दैनिक स्थैर्य । दि. २३ ऑक्टोबर २०२२ । फलटण । माढा लोकसभा मतदारसंघाचे खासदार रणजितसिंह नाईक निंबाळकर यांनी फलटण शहरात 21 हजार दिवाळी किटचे वाटप केले.
आज फलटण शहरामध्ये भारतीय जनता पक्षाचे खासदार रणजितसिंह नाईक निंबाळकर यांनी स्वतःच्या खर्चातून जनतेसाठी दीपावली कीट वाटप करण्याचा निर्णय घेतला फलटण शहरातील प्रत्येक कुटुंबाला दिपवाली किटचे वाटप करून सर्वसामान्य जनतेला ही दीपावली गोड करण्याचा प्रयत्न केला आहे त्यामुळे जनतेमध्ये खूप आनंदाचे वातावरण निर्माण झाले आहे. तसेच या शहरातील व ग्रामीण भागातील मुस्लिम बांधवांना कै. हिदुरावजी नाईक निंबाळकर यांनी सुरू केलेली परंपरा मुस्लिम समाजांना दरवर्षी एक हजार कुटुंबांना फराळाचे वाटप केले जाते ही परंपरा खासदार रणजितसिंह नाईक निंबाळकर यांनी पुढे सुरु ठेवली आहे. हा सण हिंदू मुस्लिम ऐक्याचा प्रतीक म्हणून करण्याचा प्रयत्न खासदार रणजितसिंह निंबाळकर करत आहेत. यामुळे या शहरांमध्ये जातीय सलोखा निर्माण होऊन हे सण एकत्रित साजरे केले जातात.
यावेळी खासदार रणजितसिंह नाईक निंबाळकर यांनी मतदार संघातील सर्व लोकांना दीपावलीच्या शुभेच्छा दिल्या.
