साखरवाडीच्या कु. दिशा गोसावीला दहावीच्या परीक्षेत 99%

स्थैर्य, फलटण : साखरवाडी ता. फलटण येथील कु. दिशा शिवदत्त गोसावी हिला इयत्ता दहावीच्या बोर्डाच्या परीक्षेमध्ये 99 % गुण मिळाले आहेत. त्या बद्दल तिचे साखरवाडी सह तालुक्याच्या विविध भागातून कौतुक होत आहे. 99 % गुण मिळवल्याबद्दल कु. दिशाचा सत्कार फलटणचे नगरसेवक अनुप शहा यांनी साखरवाडी येथे तिच्या घरी जाऊन केलेला आहे.

कु. दिशा गोसावी ही शालेय अभ्यासामध्ये तर हुशार आहेत. परंतु ती खो-खो ची राज्यस्तरीय खेळाडू आहे. इयत्ता तिसरी मध्ये असताना तिचा एक्सीडेंट झालेला होता. एक दुचाकी चालक तिला येऊन धडकल्या मुळे तिचा पायाचा मोठा अपघात झालेला होता. एवढे होवूनही ती न डगमगता तिने पुढे खो-खो या स्पर्धेमध्ये राज्य स्तरापर्यंत खेळून आपली बाजी पटकवलेली आहे. 

त्यासोबतच मार्च २०२० मध्ये झालेल्या इयत्ता दहावीच्या परीक्षेमध्ये तिने 99% गुण संपादन करून शालेय अभ्यासक्रमामध्ये ही आपण मागे नसल्याचे सिद्ध करून दाखवले आहे. आपल्या आई वडिलांची मान कशी उंचावेल याबाबत तिने प्रयत्न केलेले आहेत व तिच्या प्रयत्नांना यश आले असून आगामी शिक्षण हे बारामती येथील राजेंद्र पवार हे शारदा नगर येथे असणार्या मुलींच्या कॉलेज मध्ये करणार आहेत. अशी प्राथमिक माहिती सद्यस्थितीला मिळत आहे.