जागतिक युवा कौशल्य दिनानिमित्त ऑनलाईन सर्जनशील; समस्या सोडविण्याण्यासाठी महा-स्किलॅथॉन स्पर्धेचे आयोजन

दैनिक स्थैर्य । दि. ११ जुलै २०२२ । सातारा ।  जागतिक युवा कौशल्य दिनानिमित्त पुणे जिल्हा परिषद व कौशल्य विकास, रोजगार आणि उद्योजकता, पुणे विभाग यांच्या सहकार्याने महाराष्ट्राच्या कौशल्य प्रणालीमध्ये भेडसावणाऱ्या समस्यांचे निराकरण करण्यासाठी महा-स्किलॅथॉन – ऑनलाइन समस्या सोडवण्याची स्पर्धा आयोजित करण्यात आली आहे, अशी माहिती जिल्हा कौशल्य विकास रोजगार व उद्योजकता मार्गदर्शन केंद्राचे सहायक आयुक्त सुनील पवार यांनी दिली आहे.

भविष्यातील कल जागतिक स्तरावर कुशल कामगारांची कमतरता भाकीत करतो आणि भारत 67% कार्यरत वयोगटातील लोकसंख्येसह या कुशल कामगारांचा पुरवठा करू शकतो. तथापि, भारतात उपलब्ध कुशल कामगारांची टक्केवारी केवळ २१% आहे (Source: मानव विकास अहवाल २०२० (UN)). ही कौशल्याची तफावत दूर करण्यासाठी अनेक कौशल्य कार्यक्रम आहेत जे ITI, MSSDS, RSETI, नेहरू युवा केंद्र, DDU-GYK यासारख्या विविध संस्थांमार्फत राज्य तसेच जिल्हास्तरावर चालवले जातात.   या कुशल परिसंस्थांना मॅक्रो तसेच सूक्ष्म स्तरांवर विविध पैलूंच्या समस्यांचा सामना करावा लागतो ज्यांचे निराकरण करणे आवश्यक आहे.

“महा-स्किलॅथॉन हा असाच एक प्रयत्न आहे ज्याद्वारे नागरिकांना या समस्यांचे निराकरण करण्यात सहभागी होण्यासाठी आणि राज्यातील तरुणांचे चांगले भविष्य घडवण्यासाठी शाश्वत उपायांसह पुढे यावे” असे आवाहन पुणे जिल्हा परिषदेचे मुख्य कार्यकारी अधिकारी आयुष प्रसाद यांनी केले.  संपूर्ण उपक्रम पुणे विभागातील (पुणे, सातारा, सांगली, कोल्हापूर) महात्मा गांधी नॅशनल फेलो करत आहेत. अधिक माहितीसाठी पुणे जिल्हा परिषदेच्या संकेतस्थळाला भेट द्या किंवा अधिक माहिती आणि नोंदणीसाठी https://forms.gle/rf44sg1iB4fE5WWe6  ला भेट द्या.